Саяхан даа, бараг л түрээсийн байранд амьдар­даг шахуу өрөвдмөөр зүйл ярьж, хэрвээ надад олон хаус эд хөрөнгө

байдаг бол албан тушаалаа өгөхөд бэлэн гэж байсан Ц.Нямдоржийг МАХН-ын дарга Н.Энхбаяр хөлгүй баян мэтээр мэдээлэл хийсэн нь нийгэмд багагүй шуугиан тарилаа. Төрийн өндөр дээд хариуцлагатай алба хашиж явсан хүн хуудуутай мэдээлэл цацахгүй биз хэмээн гадуур дотуур хүмүүс сүрхий хүлээж авав бололтой.

Өнөөх туйлын ядуу гэж уйлах нь халаг байсан Ц.Нямдорж маань Дунд голын эрэг дээр байх “Эм Си Эс” группын барьсан Кувейтийн элчин сайд байрладаг байрны тавдугаар давхар.Г.Алтангийн хөрш зэргэлдээ нэг сая долларын өртөгтэй байр. Чингэлтэй дүүргийн 18 ду­гаар хорооны задгайд буюу Билгүүн уулын энгэрт байдаг 600 мянган долларын үнэтэй дөрвөн давхар хаус. Хоёр хүүдээ бариулж байгаа зуслангийн нэг сая долларын өртөгтэй хаус гээд баримтаар нотлоход ядуус бид амаа ангайхгүй хаачив гэж.

Үнэхээр баян хүн юм байна шүү, худлаа ярьж байж шүү дээ гэтэл хөндлөнгөөс нэг нь “Хм Ц.Нямдорж чинь Н.Энхбаярын дэргэд таргийн таван ямаатай хүн” гэхийг сонсоод нээрээ ма­най экс Ерөнхийлөгч чинь хэ­дий хэрийн хөрөнгөтэй нөхөр юм бэ дээ гэсэн сониуч зан хөдлөхгүй хаачихав дээ. Юутай ч Ерөнхийлөгчийн сэнтийгээс буусан цагаас хойш ил далд улс төр хийлээ. Хоосон ч нөхөр биш байх. Бүтэн гурван жилийн турш ил далд улс төрийг зү­гээр нэг талхны мөнгөөр ч хий­чихдэг юм биш. Тэгэхээр юм байж л таарна даа.
Гэтэл нэгнийхээ баян тарга­ныг гайхаад байсан манай екс Ерөнхийлөгч чинь жинхэнэ хөл­гүй баян нөхөр гэдгийг мэдлээ. Хамгийн ойроос дурьдахад нийс­лэлийн өнгө төрхөнд ча­­мин үзэмж нэмж баригдаад бай­гаа Сэлмэн барилга чинь түү­нийх гэнэ. Ц.Нямдоржийн сая төгрөгийн үнэтэй хаус ч түүний дэргэд ёстой л тү­лээ­ний амбаар биз дээ. Жаа­хан хойшоо явтал хуучин Сүх­баатарын нэрэмжит хэвлэх үйлд­вэрч түүнийх юм байх. Тэгээд түүний эргэн тойрондох хэвлэл мэдээллийн байгууллага ч хамаарна. Сэлмэн барилгаас зүүн тийш хараа бэлчээвэл өнөөх шатдаг Ийст төв, бас бус ч юм байдаг л бололтой. Ха­рин Сэлмэн барилга дээрээс ураг­шаа хараа бэлчээвэл Оргил рашаан сувилалын газар, түү­ний ойролцоох орон сууцны хо­роолол ч Н.Энхбаярын данстай аж. Хм ёстой Ц.Нямдоржийн Ку­вейтийн элчин сайд байр­ладаг байрны тавдугаар давхар ч энэ бүгдийн дэргэд нийтийн бол­хидуухан байр байгаа юм биз дээ.
Ийм их хөрөнгөтэй хүн яахаа­раа таргийн таван ямаа­тай нөхөртэй барьцалдаж нэр нүүрээ барж явдаг билээ. Нийс­лэлд гэхэд л бидний мэ­дэх зүйл гэвэл энэ. Гэтэл экс Ерөн­хийлөгч маань нийслэ­лээр зогсохгүй Монгол даяар эзэм­шил газартай хүн юм. Хэнтийн айм­гийн Дадал сумын нутагт байх үзэсгэлэнт сайхан Гурван нуур орчмын амралт. Архангайн аймгийн Шаргалжуутын рашаан сувилал, Арцатын ам гээд ба­гагүй эд хөрөнгө, эзэмшил га­зартай лут баян нөхөр юм аа. Муу Ц.Нямдорж насны эцэст чө­лөөндөө суухад алжаалаа тайл­чих ганц уулын ам байдаг бо­лов уу гэж санаа зовох шиг бол­лоо. Хяргас нуурын эрэг дагуу түүний гэх нэртэй юм лав байдаггүй шиг санагдана.

Гэтэл Төмөртэйн ордны 25 хувийн эзэмшил экс Ерөнхийлөгчийнх гэж сонсоод ухаан алдах шахав. Үүний дэргэд бол Ц.Нямдорж юу ч биш. Сая долларын үнэтэй зуслангийн амбаарынхаа дор л орд газар булшилчихаагүй бол юу ч биш. Уг нь МАХН-ын­хан насаараа төрийн ал­банд ажилласан бизнесгүй Ц.Ням­дорж хаанаасаа ийм хөрөнгө босгосныг шалгана энэ тэр гээд байсан. Н.Энхбаяр дарга өөрөө ч нэг насаараа төрийн албанд ажилласан санагдана ийм их хөрөнгийг бас хаанаас бос­гочи­хов оо гэж асуухаас өөр арга ал­га.
Тэгэхээр Ц.Нямдорж хоёулаа хөтлөлцөөд АТГ-т очиж дээ. Ингээд бодоод байхад бидний мэдэж байгаа л эд хөрөнгө нь энэ шүү дээ. Бидний мэдээгүй болон хэн нэгэн нөхрийн нэр дээр байдаг юу байгааг хэн мэд­лээ. Мэдэж байгаагаар л ийм байна. Гэтэл манай экс Ерөн­хийлөгч маань үүгээр ч зогсохгүй, Монголоос хальсан бизнес ч байдаг аж. Жишээлэхэд хилийн цаана байх Байгаль нуу­рын эрэг дагуу түүний бизнес байдаг гэдгийг ч хэлэв.

Цаад муу Ц.Нямдоржид нь Увсад хү­рээд очиход худалдаад эс бо­лох­нээ хувьчлалаар авсан ганц өвөлжөө байдаг л байгаа даа гэж санаа зовсныг нуух юун. Н.Энхбаярын дэргэд ч Ц.Нямдорж бол ёстой л тар­гийн таван ямаатай нөхөр юм даа. Энд Ц.Нямдорж сайдыг өм­гөөлж хамгаалаад байгаа юм алга. Эрх биш улс төрд олон жил явж, өөрөө гардан зохион бай­гуулаад байдаггүй ч тэр их авлига, хээл хахуулийн дэргэд нүдээ аниад зогсоогүй нь лав­тай. Тэгэхээр тэр зэргийн хэ­дэн хаус босгочих юм цааш наа­шаа хийсэн байхыг бол огт үгүйсгээгүй хэрэг.

Б.НЯМ

mminfo