Драмын театраас өрх тусгаарласан “Мөрөөдлийн театр”-ын хамт олон “Миний нууц хүү” жүжгийг тайзнаа тавих гэж байна.  Аливаа жүжгийн чухал ажлын нэг нь дуу байдаг. Энэхүү жүжгийн  дууг Буриад улсын Ардын жүжигчин Б.Амархүү, МУГЖ С.Жавхлан нар хамтран дуулжээ. Уг дууны үгийг МУГЖ С.Жавхлан өөрөө бичсэн бол хөгжмийг МУСГЗ Л. Балхжав, хөгжмийн найруулгыг “Sweetymotion” хамтлагийн продюсер Б. Чинбат хийсэн байна. Харин аавын тухай энэ гайхалтай дууны анхны сонсогч нь МУГЖ Т.Ариунаа байсан гэнэ. Угаас сэтгэлийн хөдлөл ихтэй нь дээр ээж аавын тухай дуунд хүндэтгэлтэй ханддаг Т.Ариунаа хатагтай Жавхлан гавъяатын бичсэн шүлэг, дуулсан дуунд нь уяран уйлсан гэнэ. Ямартай ч авьяаслаг дуучдын, чадварлаг хоолойгоор “зодон” бүтэж буй уг дуу удахгүй үзэгч, сонсогчдын хүртээл болох аж.  А.Сарнай.Factnews.mn