Сүүлийн хэдэн өдрүүдэд Улаанбаатар хотод нэлээн ширүүн бороо асгарсны улмаас хотын зам гудамж талбай тэр чигтээ усанд автсан. Явган зорчигчид усанд автсан хотын зам гудамжаар гарах гэж нэлээдгүй авьяас чадвараа гаргасан. Энэ бүх үйл явдалын зураг хөрөг цахим ертөнцөд цацагдаж эхэлсэн. Эд дундаас хамгийн сонирхол татам, олон нийтийн анхаарлыг хандуулсан зураг бол хөл нүцгэн сандалаа гартаа барьсан эмэгтэйн зураг байлаа. Тэгвэл уг зургийн эзэн нь Монголын рок попын ертөнцөд хэдийнэ байр сууриа эзэлж, олонд танигдсан дуучин Э.Болор-Уянга байжээ. Тэрээр өөрийнх нь зураг цахим ертөнцөд шуугиан тарьж байгаа тухайгаа өөрийн цахим хуудаснаа ийн залруулга хийжээ. “Бороотой сэрүүхэн амралтын өдрийн мэнд! Шинэ сарын эхний өдрийг жоохон санаа зоволттой ч ажилтай, тоглолттой эхэлж байна даа. Өчигдөр эгч минь намайг яараад ажилтай байсан болохоор бороо намдахыг хүлээж чадахгүй өөрийнхөө сандаалыг тайлж өгөөд машинаасаа буулгасан. Харин би эгчдээ баярлаад тоглолттой,бичлэгтэй хүмүүсийн өмнө нойтон гуталтай дуулалтай нь биш гээд өөрийнхөө сандалыг бариад ус туулаад зам гарсан.

Гэтэл машин дотор байсан жоохон дүү маань инээд нь хүрээд зургийг минь дарсан байсаныг нь би хөгжилтэй санагдаад эгчдээ талархах сэтгэл төрөад л пост хийтэл Монгол тв хотын даргад хандсан пост тавьжээ.

Харин тэр нь ийм хурдан сошилоор тарж,ингэтлээ хүмүүсийн бодол санааг уралдуулна гэж би бодсончгүй. Нэг л зүйл их бодогдлоо шинэ уран бүтээл минь гарсан даруйдаа ингэж хурдан хүрдэг байсан бол урамтай нь аргагүй ар араас нь гаргах юм байнадаа гэж… Бас надад санах тавьж миний өмнөөс бодлоо уралдуулсан хүмүүстээ,мөн эгчдээ,эгчийнхээ сандаланд баярласан талархасанхаа илэрхийлмээр байна.Баярлалаа та бүхэнд амжилт хүсье!!!” хэмээсэн байна.

Эх сурвалж: Шуурхай.мн