Сүүлийн үед манай улсад эцэг эхдээ гологдсон нярай хүүхдүүд өнчирж үлдэх явдал багагүй гарах болсон. Тэгвэл Увс аймгийн Улаангом суманд зургаан сартай хүүгээ эмнэлэгт орхиод алга болсон хэрэг гарчээ. Тус сумын аравдугаар баг, Дунд хорооллын 9-21 тоотод оршин суугч 30 настай, эмэгтэй Д нь аймгийн Нэгдсэн эмнэлгийн Халдвартын тасагт хүүгээ эмчлүүлж байсан аж.

Тэрбээр долдугаар сарын 29-ний өдрийн 12.00 цагийн орчим хүүгээ орхиод сураггүй алга болсон байна. Аймгийн Цагдаагийн газраас эрэн хайх ажиллагааг зохион байгуулсан ч эхийг нь олоогүй байна.

Эх сурвалж: Шуурхай.мн