Өнгөрсөн сарын 29-ний өдөр Хан-Уул дүүргийн 15 дугаар хорооны нутаг дэвсгэрт байрлах Зайсангийн гүүрний баруун хойд тал. Туул голын бургасан дотор хэн болох нь тодорхойгүй өлгийтэй эрэгтэй хүүхдийн цогцос осгосон байдалтай  олдсон байна.  Хохирогч  нь 53 см урттай, 3,230 кг жинтэй, хэвийн өсөлт бойжилттой эрэгтэй хүүхэд байжээ.  Хүүхдийн аманд  даавуун малгайг нь чихэж хийсэн байдалтай, бамбаруушны зурагтай цэнхэр өнгийн даавуун өлгийтэй, цэнхэр судалтай даавуун бүс, дотроо нохойны зурагтай 60х70 см хэмжээтэй шаргал өнгийн даавуутай, нимгэн дотуур цамцтай байдалтай олджээ.Одоогоор хохирогчийн эцэг, эх тогтоогдоогүй байгаа бөгөөд  ХУД-ийн Цагдаагийн хэлтсээс мөрдөн байцаалт явуулж байгаа аж. Энэ талаарх мэдээллийг 102, 93029460, 93029982, 93029969 утсаар авч байна.