-АН-ЫН ГҮЙЦЭТГЭХ ЗӨВЛӨЛИЙН ХУРЛЫН ТОВ ГАРААГҮЙ БАЙНА-

АН-ын гүйцэтгэх зөвлөл өчигдөр юм уу, өнөөдөр хуралдаж МАН-ыг засгийн газраас гаргахыг шийдвэрлэнэ гэсэн яриа байсан ч хуралдсангүй. Харин Ардчилсан нам, УИХ-д сонгогдсон 35 гишүүнээ нэгтгэж, Ч.Сайханбилэгийн засгийн газрыг унагахгүйн тулд гишүүн тус бүрээрээ гарын үсэг зуруулж байгаа гэсэн албан бус мэдээлэл байна. Ингэж гишүүдийнхээ саналыг нэг үзүүрт зангидаж аваад дараагийн асуудал буюу МАН-ыг засгийн газраас гаргах тухай Гүйцэтгэх зөвлөлийнхөө шийдвэрийг УИХ дээр хөндөх ажээ.

Гэтэл Д.Тэрбишдагва энэ цаг мөчид МАХН-ын дарга Н.Энхбаяртайгаа хаана яваа газарт нь хүрч очин уулзах болсон байна. Энэ нь МАХН-ынханд “МАН-ыг засгийн газраас хөөвөл та бүхэн бас засгаас гарчих. Ингээд АН-ыг засаглах чадамжгүй болгоё” гэсэн МАН-ын саналыг Д.Тэрбишдагва намын даргатайгаа хоёр үзүүрээр ( МАН-ын саналыг хүлээж авах, АН-тай хамтарч засаг барих )ярилцаж байгаа ажээ. Хэрэв МАХН-ын засгийн газарт хамтрахгүй гэвэл Шударга ёс эвсэл тарах хүндхэн нөхцөл байдал үүсэх аж.

Харин одоогоор засгийн газарт хамтарсан намуудын гэрээний биелэлтийг дүгнэх үүргийг УИХ дахь АН-ын бүлэгтээ өгсөн АН-ын Гүйцэтгэх зөвлөлийн хурлын тов гараагүй байна. Албан бус мэдээллээр ирэх долоо хоногийн даваа, мягмар гаригт гүйцэтгэх зөвлөлийн зарлагдах бололтой.

Н.МЯГМАР