УИХ-ын 24 дүгээр тойргийн нөхөн сонгуульд МАН хуучнаар МАХН-аас нэр дэвшиж ялалт байгуулсан Эрдэс баялаг, эрчим хүчний сайд Д.Зоригттой холбоотой нууц материалууд алдагдаж, тус намын удирдлагуудыг түргэн авахуулсан сурагтай. Албан бус эх сурвалжийн мэдээлж буйгаар 2009 онд Д.Зоригтыг нөхөн сонгуульд нэр дэвшүүлэхдээ МАН-аас сонгуулийн сурталчилгааг нь ил, далд хэлбэрээр хийх тусгай даалгаврыг нэгэн байгууллагад өгчээ. Чухал даалгавар авсан байгууллагынхан ч Чингэлтэй дүүргийн иргэдийг ажил, мэргэжилтэй болгох зорилгоор зарим хүнийг улсын мөнгөөр үнэгүй сургасан байна. Сургалтын цаад зорилго нь тус дүүргийн оршин суугчдын дунд судалгаа явуулж, уг судалгаан дээр үндэслэн сонгогчдын саналыг хэрхэн луйвардах байв. Судалгаа ч сайн болж, нэр дэвшигч Д.Зоригт ялалт байгуулжээ. Гэтэл гай газар доороос гэгчээр маш нууц байх ёстой энэхүү судалгааны дүн, тухайн үед хуурамчаар бичиг баримтыг нь ашигласан иргэдийн овог, нэр, мөнгө тараасан болон авсан хүмүүсийн гарын үсэг бүхий баримт бичиг гадагш задарч, зарим нь Ардчилсан намын гишүүдийн гарт орсон гэнэ. Харин энэ нууц баримт материалыг бүрдүүлж, тайлан гаргасан хэргийн эзэн усанд хаясан чулуу шиг гэнэт ор сураггүй алга болсон аж. Тиймээс нууцын зэрэглэлд багтах уг баримт, материалыг олон нийтэд дэлгэгдэхээс өмнө олж авахаар МАН-ынхан хүч нэмэгдүүлэн эрэн сурвалжилж байгаа гэнэ. Гэхдээ тэд уг мэдээллийг задалсан хүн нь МАХН-ын дарга, экс Ерөнхий сайд Н.Энхбаяр хэмээн хардаж байгаа юм байна.

asunews