Сурагчийн ширээнээс загварын тайзнаа алхаж нэлээд эрт олны өмнө гарсан топ модель, жүжигчин СТА Д.Пүрэвсүрэн өдгөө нам гүмхэн байгаа. Монголын сайхан бүсгүйчүүдийн тоог тэргүүлдэг тэрээр загварын тайзнаас илүүтэйгээр кино урлагт хүч үзэх болсон бөгөөд сайн жүжигчин гэдгээ ч батлаад авсан. Анх “Алтны магнат” Ц.Мянганбаяртай хайрын романс үүсгэж гэр бүл болон хөөрхөн охинтой болсон ч удалгүй хоёр тийш болсон билээ. Үүнээс хойш олон залуустай нэр холбогдож байсан ч жинхэнэ ханиараа сонголгүй ганц бие өрх толгойлсон ээжийн үүргийг сайн биелүүлж байсан юм. Харин тэрээр уул уурхайн компанийн захирал  Н.Ганбаяр хэмээх залууг насан туршийн ханиараа сонгож хоёр дахь хөөрхөн охиноо төрүүлсэн. Олны өмнө гаралгүй нам гүмхэн байх болсон топ модель маань тэрээр хувийн амьдралдаа анхаарал хандуулахаар болж тун удахгүй ихэр хүүхдүүдээ өлгийдөн авах бэлтгэлээ базаагаад байгаа гэнэ. Ямартай ч өнөр өтгөн залуу гэр бүлдээ аз жаргал хүсье.

Эх сурвалж: Шуурхай.мн