“Баян хүний хоол” идэж тансаглаж суугаа дуучин Т.Баясгалан гэр бүлийнхээ толгой эргэм их хөрөнгөн дунд учраа олохгүй сууна. Саяхан нээлтээ хийж анхны эфирээ цацаж байсан “Эх орон” телевизээ “Ажнай” Бат-Эрдэнэд 4 тэрбумаар зарж эрхэм гишүүн Батбаяр, эхнэр Баясгалан хоёр мөнгөө тоолж суух зуур дуучин бүсгүй оюуны өмчийн газар дуудагдаж, багагүй мөнгө төлсөн сурагтай гэнэ.

Анх уртын дууч Түвшинжаргалын охин гэх тодотголоор тайзан дээр гарч байсан дуучин Т.Баясгалан өнөөдөр Кёкюшүзан Батбаярын гэх тодотголоор нэрлэгдэх болсоор удаж байна. Дуучин МУГЖ С.Жавхлантай хоршиж олонд танигдсан дуучин бүсгүйн уран бүтээлийн санд хөгжмийн зохиолч Булганы ая, яруу найрагч Ч.Оюунчимэгийн үг “Хан шувуу” гэх уран бүтээл томоохон байр суурь эзэлдэг.

Ардын жүжигчин Найдалмаагийн урыг шавхдаг энэ бүтээл дуучин бүсгүйг ёстой л нэг чичирүүлдэг гэх юм билээ. АЖ Найдалмаагийн отгон шавь болохынхоо хувьд “Хан шувуу”-г дуулж фенүүддээ чансаагаа мэдрүүлэх гэсэн Баясгаланд багшийн зиндаанд хүртэл нь олон нийт хүлээж аваагүй. Өөрийнхөө уран бүтээлүүд дундаасаа олонд хүрээгүй ганц бүтээлийнхээ төлөөсөнд МУГЖ Баясаа чамгүй мөнгө төлсөн байна.

Түүнчлэн ая зохиогч Булган хүний өмчийг дураараа ашигласан хэмээн буруутгагдан дууны ая зохиогчийн холбоогоор хэсэгтээ эргэлдэх ажилтай болсон гэдэг. Олны нүднээс далд хэл үг багатай амьдрахыг илүүд үзэх болсон дуучин бүсгүй оюуны өмчтэй холбоотой маргааныг газар авахуулалгүй бага дээр нь дарсан гэнэ. Мөн ая зохиогч Булганыг гомдоохгүйгээр хөлсийг нь төлсөн байна. Харин энэ талаар хэл үг гаргаагүй найрагчид нэг ч хувь оногдолгүй өнгөрчээ.

Тэргүүн сонин