Өнөөдөр нийслэлийн хэм­­­­­жээнд нийт 475 барилга бариг­даж байгаагаас 256 нь ба­рилга угсралтын аж­лаа эхлүүлжээ.
Барилга, угс­ралтын ажлаа эхлүүлсэн 256 барилгаас зөвхөн 198 нь зөвшөөрлөө авсан бай­на. Харин Нийслэлийн мэр­гэж­­лийн хяналтын газ­раас зөвшөөрөл авсан 135 барил­гын угсралтын ажил дуусч комисст хүлээлгэн өгөхөд бэлэн болжээ.
Тэгвэл тус газраас энэ са­рын 1-нээс нийслэлийн ну­таг дэвс­гэрт шинээр бариг­даж байгаа барилгуудын үйл ажил­лагаанд үе шаттайгаар хяналт, шалгалт хийж эхэл­­сэн байна. Өчигдөр л гэ­хэд Хан-Уул дүүргийн гу­рав­дугаар хорооны нутаг дэвсгэрт баригдаж буй хоёр барилгын хөдөлмөрийн аюул­­гүй байдлын үйл ажил­лагаанд шалгалт хийсэн юм.
Шалгалтыг НМХГ-ын Хө­дөл­­­мөрийн аюулгүй байд­лын хяналтын улсын бай­цаагч Ц.Бадмаа, Г.Цэцэг­ба­дам, Н.Оюун­­чимэг нар болон дүүр­гийн цагдаагийн хэлтэс, Онцгой байд­­лын ерөнхий газрын ажил­чид хамтран явууллаа.

Зарим давхарт торон хамгаалалт хийгээгүй байв

Эхлээд “Арш” компанийн захиал­гаар барьж байгаа 15 давхар 135 айлын орон сууцны барилгын ажлын хөдөлмөрийн аюулгүй бай­далтай танилцав. Барилгын гүйцэтгэгч компаниар “Грэйт­­­таур” ажиллаж бай­гаа бөгөөд 42 ажилчинтай аж. Тэд өнгөрсөн оны зургаа­дугаар сард барилгын ажлаа эхлүүлсэн байна. Биднийг очиход тус барилгын зургаа­дугаар давх­рын угсралтын ажил ид яваг­даж байв.

Тэд сүүлийн өдрүүдэд цаг агаар хүйтэн, салхитай бай­гаа болохоор барилгын ажил удаа­ширч байгааг хэлж байлаа. Үү­нээс болж зарим ажилчин сул зогсож, гэртээ өнжиж байгаа аж. Ажилчид өглөө болгон хө­дөл­­мөрийн аюулгүй байдлын зөв­лө­гөө, зааварчилгааг сон­сож ажил­даа гардаг ч зориу­лалтын хувцсаа өмсөх­гүй то­хиолдол гардаг байна. Харин бүх ажилчид нь сургалтад хам­рагджээ.

Барилгын “Грэйттаур” ком­­­­­­­­панийн гүйцэтгэж буй эл ба­рил­­гаас багагүй зөрчил илэр­сэн юм. Энэ талаар НМХГ-ын хөдөлмөрийн аюул­гүй байдлын хянал­тын улсын байцаагч Г.Цэцэг­­бадам “Бид “Арш” хувь­цаат компанийн барил­гын за­хиалгаар “Грэйттаур” ком­­­­­панийн барьж байгаа 15 дав­хар орон сууцны барил­гын талбайд шалгалт хийлээ. Хя­налт шалгалтын хүрээнд шат­ны хажуу талын хаалт хам­­гаалалт алга. Зарим давх­рын гадна талын торон хам­гаалалт хийгдээгүй бай­на. Дээрх хоёр зөрчлөө арил­гахыг удирд­ла­гуудад нь даалгалаа” гэв.

“Энх багана констракшн”-ын барьж буй барилгаас зөрчил илэрлээ

Дараа нь Хан-Уул дүүр­гийн гуравдугаар хорооны ну­таг дэвсгэрт “Монь ивээл” ХХК-ийн захиалгаар “Энх багана констракшн” компанийн гүй­­цэтгэж буй гурван блок 12 давхар ба­рилгын үйл ажил­лагаатай танилцав.

Эл компани хашааныхаа үүднээс эхлэн барилга, бай­­­гууламж барих дүрэм журмыг илт зөрчсөн байсан юм. Өөрөөр хэлбэл энэ сарын 2-ноос барил­гын ажил нь эхэлсэн тус ком­пани хө­дөлмөрийн аюулгүй бай­дал болох наад захын шаард­­лага хангаагүй байсан нь тогтоогдлоо. Хашаагаар нь авто машин битгий хэл хүн явах зайгүй шахам барил­гын мате­риал нь хогтойгоо нийлсэн хөглөрч харагдав. Дээр нь дан хята­д барилгачид байдаг болоод ч тэр үү орчин гэж авах юм­гүй бөгөөд тэдгээр хята­дуудыг зөвшөөрөлгүй ажил­луулж бай­лаа. Тухайн компани Зас­гийн газ­раас олго­сон квотын дагуу хятад ажил­чид авч ирж ажиллуулах эрх аваагүй аж.

Гэтэл барилгын “Асгат байц” ХХК-ийн нэр дээр орж ирсэн 100 хятадын 76-г нь ажил­­луулж байгаа нь шал­гал­тын явцад тог­тоогд­сон юм. Ком­­панийн удирд­лагуудын зүгээс үү­­­­нийг тайлбарлахдаа “Хоёр компа­нийн хооронд дахь гэрээ­гээр ажилчдаа сэлгэж ажил­­луулж байгаа” гэлээ.

Энэ талаар НМХГ-ын Хө­дөлмөрийн аюулгүй байд­лын хяналтын улсын байцаагч Ц.Бадмаа хэлэхдээ “Бидний шалгалт хийсэн “Энх багана констракшн” компанийн барьж буй барилгын талбайн эмх цэгц хангалтгүй байна. Хашаанаасаа орж ирэхээс эхлүүлээд нийтлэг журамд заасны дагуу барилгын гад­нах хашаан дээр тухайн бай­гууллага ямар зориулттай баригдаж байгаа самбар нь алга. Барилгын талбайг камер­жуулаагүй. Аюулгүй байдлын тэмдэг, тэмдэглэгээг огт хий­гээгүй байна.
Хятад ажилчид нь бүгд ажиллах зөвшөөрлөө авсан хэдий ч барилгын гүйцэтгэгч ком­па­ни нь хятадууд авч ирж ажлуулах эрх байхгүй. Бид энэ тухай дээд шатных нь хүмүүс­тэй уулзаж, ярил­цах болно” гэв.

Өнөөдөр Хан-Уул дүүр­гийн хэмжээнд 90 гаруй ба­­рилга шинээр баригдаж байгаа аж. Тэдний хоёрт нь л хөдөл­мөрийн аюулгүй байд­лын үйл ажил­лагааг хэрхэн хангасан эсэхийг шалгахад дээрх зөрчлүүд илэрч бай­на. Улсын байцаагчдын зү­гээс дээрх хоёр компанид зөрч­­­лөө арилгахыг даалгаж, “Энх багана” констракшн болон “Монь ивээл” ХХК-нд захир­гаа­ны арга хэмжээ авч тус бүр 250 мянган төгрөгийн торгууль оногдуулсан юм.

Б.Төрбат

Эх сурвалж: