Нийслэлийн засаг даргын хэрэгжүүлэгч агентлаг Мэдээллийн технологийн газар, үүрэн холбооны тэргүүлэгч оператор Скайтел ХХК-тай хамтран Нийслэлийн нутгийн захиргааны байгууллага, түүний харьяа хэлтэс, албад болон нийслэлийн өмчит газрын /ННЗБ/ ажилтан, албан хаагчдад зориулсан “НИЙСЛЭЛ БАГЦ” үйлчилгээний хүрээнд өнөөдөр нийслэлийн Баянзүрх дүүргийн ЗДТГ, дүүргийн харъяа газар, хороодод 5 хоногийн хугацаатай танилцуулах аян эхэллээ. Уг үйлчилгээний давуу тал нь Нийслэлийн нутгийн захиргааны байгууллага, түүний харьяа хэлтэс, албад, нийслэлийн өмчит газруудын ажилтан, албан хаагчдыг хөнгөлөлтэй үнэ, тарифаар харилцаа холбооны иж бүрэн үйлчилгээгээр хангах, тэдний холбооны зардлыг хэмнэх, бусад олон төрлийн нэмэлт үйлчилгээг авах боломжийг олгож байгаад оршино