БЗД-ийн 25 дугаар хороонд баригдаж буй 12 давхар орон сууцны кран дээрээс Р.Цэрэнноров гэх 40 гаруй насын эрэгтэй үсэрч амиа хорлохоор завдсан хэрэг өнгөрсөн амралтын өдрүүдэд гарсан.

Тус барилгын ажлыг “Баянхайрхан” компанийн захиалгаар ”УБУ” компани гүйцэтгэж байгаа бөгөөд иргэн Р.Цэрэнноров 70-80 хүнтэй барилгын бригадтай хэмээн тус компанитай гэрээ байгуулан ажиллахаар болсон байна. Харин явцын дунд  ажлын гүйцэтгэл хангалтгүй байсан бөгөөд 70-80 хүн нь огт ирээгүй аж. Ингээд Р.Цэрэнноров гэнэт ажлын цалин хөлсөө аваагүй гэж 50 сая төгрөг нэхэмжилж, өгөхгүй бол амиа хорлоно хэмээн сүрдүүлсэн гэнэ. Тиймээс барилгын компанийн удирдалууд түүний шаадлагыг биелүүлж, 50 сая төгрөгийг нь дансанд нь шилжүүлснээр тэрбээр өөрөө кранаас буусан байна.

“Баянхайрхан” компанийн удирдлагуудын мэдээлж буйгаар түүнээс мэдүүлэг аваад баилан даалтад гаргасан гэв. Харин компанийн зүгээс шүүхэд хандсан байна.

Эх сурвалж: Шуурхай.мн