“Хадгаламж” банкийг төрийн өмчит Төрийн банктай нэгтгэх шийдвэр өнгөрсөн амралтын өдрүүдэд гарсан гэх мэдээлэл гараад байсан. Энэхүү мэдээлэл үнэн болж өнөөдөр Монголбанкны захирлуудын зөвлөл хуралдаж өөрийн нийт хөрөнгө нь 94 тэрбум төгрөгөөр татсан “Хадгаламж банк”-ийг “Төрийн банк”-тай нэгтгэх болжээ.

Учир нь “Хадгаламж” банк олон жилийн өмнөх зээлээ төлөх чадваргүй болсон аж. Иймд “Хадгаламж банк”-ны 1,7 сая хэрэглэгч, харилцагч нар санхүүгийн ямар нэгэн эрсдэлд орохгүй байх хамгийн боломжтой хувилбар гэж үзсэн байна.

“Хадгаламж банк”-ны үйл ажиллагаа хэвийн үргэлжилж байгаа бөгөөд маргаашнаас “Төрийн банк” нэрээр үйл ажиллагаагаа явуулахаар болжээ. Ингэхдээ гэрээ, зээлийн хүү зэрэгт өөрчлөлт орохгүй ажээ.
Эх сурвалж: Шуурхай.мн