Монгол Улсын Ерөн­хийлөгч Ц.Элбэг­дорж цахим ертөнцийн твиттер хуу­­даснаа мон­­­­голдоо хамгийн их буюу 62251 да­гагч­­­тай анхны цэнхэр тэм­дэгтэй жиргээч. Гэвч Ерөнхийлөгч маань сүүлийн үед жир­гээч найзуудаа мартсан бололтой.

Учир нь тэрбээр 2013 оны долоодугаар сарын 10-д энэ удаагийнхаа сонгуулийн ялалтаа бататгаж тангараг өргөхийнхөө өмнө 07:30 цагт “Монгол Улсын Ерөнхийлөгчийн 26 үгтэй Тангараг өргөх өдөр. Ийм их хүндэтгэл хариуцлагыг олгосон ард түмэндээ баярлалаа” хэмээн жиргэснээсээ хойш сураггүй байгаа гэнэ.

Уг нь үргэлж жиргээчидтэйгээ хамт байж өөрийн үзэл бодлоо илэрхийлж, ард иргэдийнхээ санаа бодлыг сонсож байдаг Ерөнхийлөгчөө найзууд нь ихэд үгүйлж байгаа бололтой.

Ядаж байхад ойрын өдрүүдэд Сүх жанжны талбайн нэрийг өөрчлөх шийдвэр гарсантай холбогдуулан жиргээчид хоёр хуваагдчихаад байгаа. Тиймдээ ч эв нэгдлийг илэрхийлэгч Ерөнхийлөгч байсан бол … гэсэн жиргээчид олон байна.