Ерөнхий сайд С.Баярын ивээлд багтаж, ээлжит амрагийнх нь нэг болсон гэгддэг топ модель Г.Оюунгэрэлийн

үүсгэсэн хайрын паян өдгөө ч нэг мөр цэглэгдээгүй, таслалаас таслалын хооронд үргэлжилсээр байна.

Дэлхийн миссд явж мөнхөд туранхай байхын тулд богино хавиргаа хүртэл авахуулсан гэгддэг түүнийг загварынхнаас хамгийн анх Сиди гаргахад атаархсан эгч нар золтой л барьж идээгүй биз. Ийн амжилттай явахдаа тэрээр УИХ-ын гишүүн Х.Бадамсүрэнгийн хүү Б.Бадрахтай хайр сэтгэлтэй болж, сүй тавьж байгаагаа олонд зарласан ч хосууд хоёр тийшээ болж, топын хайрын түүх дахин нэг хуудсаар зузаарчээ.

Өөрийнхөө энэ дутагдлыг хаацайлах аргаа олж ядсан тэрээр “Миний шаардлагад тэнцэх хүн гарч ирэхгүй л байна” хэмээн аргаа баран өгүүлсэн нь учиртай явсан эрчүүдийнх нь аазгайг төрүүлж, өөрийн толгой дээрх тэмээг харчихаад хүний толгой дээрх өвсийг үлээх гэж зүтгээсэй хэмээн эгдүүцсэн гэнэ. Нэгэн үе бизнесийн салбарт хүчтэй байсан Тахь-ийн өв залгамжлагч тэрээр бэл бэнчингээр хэнээс ч дутахгүй түүнд одоо тогтсон найз залуугаас бусад бүх юм бий. Хүний амьдрал арван хуруу тэгш байдаггүй гэж үнэн ч юм уу даа.