Монголд анх удаа хүйсээ солиулах мэс засал хийлгэн өөрийн мөрөөдлөө биелүүлсэн хэмээн яригдах болсон Ганбууш буюу Ган-Одтой хэдэн хором ярилцаж эмчилгээ болоод хувийн амьдралынх нь талаар илэн далангүй ярилцлаа. Ярилцлага авах гээд түүн рүү утас цохиход тэр нэг л итгэж өгсөнгүй. “Чи сэтгүүлч мөн ч юм уу биш ч юм уу” гээд л. Ийн ярилцсаны эцэст тэрбээр “Гранд плаза” дээр уулзахаар болов. Товлосон газраа очтол ойролцоох үсчин дээр байна гэлээ. Байгаа газар нь очоод яриагаа бичих гээд дуу хураагуураа гаргасаны дараа л “Аан чи сэтгүүлч мөн байна” хэмээн бид яриагаа эхлэв.

-Та сүүлийн үед гадна төрхөндөө их анхаарч байгаа юм байнаа даа. Дэлгүүр хэсээд л үсчин ороод л?

-Өнөөдөр жаахан шопинг хийлээ. Удахгүй долдугаар сарын сүүлээр Тайланд явах гэж байгаа болохоор бэлтгэл хийгээд… Тайланд аймаар халуун болохоор нимгэн хувцас цуглуулаад, ягаан, шар гээд тод өнгийн юм авлаа. Манай Нинжээ гээд найз хүүхэн надад бэлэглэж байгаа юм. Урьд нь Тайланд явахдаа хагалгаанд орж байгаа болохоос ямар гангарах гэж байгаа биш гээд нэг их тоогоогүй. Харин одоо мэс засал хийлгээд жилийн дараа очиж байгаа болохоор бас аятайхан харагдах хэрэгтэй биздээ.

– Таниар өөр сонин юутай?

– Зөндөө байна өө. Манай Тунгаа гээд найз маань гэрэл зургийн студитэй. Түүний хүү нь Хүслэн гээд СУИС-ийн зээгт наамлын анги төгссөн залуу байдаг юм. Тэрүүгээр хагас нүцгэн зураг авахуулж тэр студийн нүүр царай болох гэж байгаа. Бас Тайланд явж ирээд Солонгос руу явж мэс засал хийлгэхээр болсон. Миний одоо байгаа хөх арай жижигхэн надад хангалтгүй байгаад байгаа юм. Тийм болохоор хөхөө томруулна. Бас нэг зурагчинтай гэрээ хийчихсэн байгаа. Мэс засалд орж ирсэний дараа тэр зурагчинаар гоё зураг даруулнаа. Одоо сайтуудаар миний мэс засалд орж ирээд удаагүй байхад авахуулсан дандаа ядарсан зүдэрсэн зурагнууд гарсан байна лээ.

-Солонгос руу явах мэс заслын мөнгөө та өөрөөсөө гаргаж байгаа юу. Эсвэл таньд санал тавьсан юмуу?

-Надад тийм санал тавьсан юм. Гэхдээ эхлээд өөрийнхөө эрүүл мэндийн асуудлыг шийдмээр байна. Үнэгүй хийж өгнө гэсэн юм чинь яахав дээ байж л байна ш дээ.

Та бас шүдээ бүгдийг нь авч янзлуулан гэж ярьсан байсан

-Харин тийм. Басхүү гээд шүдний эмнэлэг миний шүдийг бүгдийг нь аваад янзлаж 20 мянган долларын шүд хийж өгнө гэсэн. Миний дээд талын нэг шүд уначихсан. Заримдаа зурагт энэ тэрээр ярихаараа сонин яриад байна янзлаад өгий гэсэн юм. Тэгээд ч нүүр биеэ хэчнээн сайхан янзлуулаад шүд муухай бол уучлаарай болно биз дээ. Би хэрвээ тэр шүдээ янзлуулах юм бол 6-7 сар тавилга болтлоо тэр эмнэлэгт байх юм байна лээ. Гэхдээ намайг явахаас өмнө хоёр шүд авч янзлаж өгнө гэсэн. Тэр хоорондоо тагнайтай шүд хийж өгнө гэсэн бас. Тэгэхгүй бол зүгээр нэг хиймэл шүдтэйгээ ярьж байгаад нөгөөх нь урагшаа гараад шидчихвэл яахийн./инээв/ Би их сонин. Аймаар хүн мэс засалд орохдоо айгаагүй мөртөө шүд авахуулан гэхээс үхтлээ айдаг. Дээр үед шүдийг зүгээр л суга татаад авчихдаг аймаар байсан болоод ч тэр юм уу. Шүдээ бүгдийг нь аваад эргээд өөр шүд хийлгэн гэхээр ёрөөсөө санаанд багтахгүй аймаар санагдаад. Миний нэг л зориг хүрэхгүй байгаа. /инээв/

-Таны Тайландад хийлгэсэн сав суулгуулах хагалгаа амжилттай болсон гэсэн, дахин явж юу хийлгэх гэж байгаа юм бэ?

-Би хагалгаагаа хийлгээд 20 хоногийн дараа оёдлоо авахуулах ёстой байсан юм. Гэтэл мөнгөгүй бас буудал энэ тэр ч хэцүүдээд бушуухан хүрээд ирсэн. Энд ирсэний дараа нөгөө эмнэлнээс над руу утасдаад та ямар сонин хүн бэ, бие чинь зүгээр үү та хүрээд ир үнэгүй аваад өгье гэсэн. Энэ хооронд ямар Төв аймаг орох гэж байгаа биш. Ирэх очихын зардал сая гурван зуу, буудал, хоол унаа гээд мөнгөний асуудал их байна. Ядаж байхад бид нар чинь тэнд очоод нийтийн унаагаар явж чадахгүй төөрчих гээд байдаг болохоор байнга таксидна. Тийм болохоор жаахан мөнгө төгрөгтэй явахгүй болохгүй. Одоо надтай хамт бас нэг хоёр хүүхэн явах гэж байгаа. Нэгэн хөх, нөгөө нь бөгс хийлгэх юм гэсэн. Бас ханьтай явахгүй бол гав ганцаараа яваад дэмий шүү дээ.

Та санхүүгийн асуудлаа яаж шийдэж байна вэ?

Би 4,5 газар зэрэг ажилладаг. Уг нь надад миний цалин бол хангалттай хүрдэг л дээ. Дээр нь надад бас тусалдаг янз бүрийн хүмүүс байгаа ш дээ, мэдэж байна уу./инээв/ Хонины ноос түүж эсгий хийнэ гэгчээр надад эцэг нэгтэй дүү нар маань байна. Олон жил чимээгүй байсан тэд нар туслана гэсэн. Дүү нартай танай сайтаар дамжуулаад бас баярлалаа гэж хэлье.

-Таны биеийн байдал одоо ямархуу байгаа вэ?
-Миний бие эв эрүүл сав саруул маш сайн байгаа. Хүмүүс намайг аймаар бие муутай л гээд байх юм.

-Таныг дахин Тайланд явж мэс засал хийлгэн гэхээр зарим хүмүүс бие нь муу байгаа. Мэс засал нь амжилтгүй гэж ойлгоод байгаа?

– Үгүй ш дээ. Зүгээр явж оёо авахуулна. Мэс заслаа хийлгээд 20 хоноод авахуулах ёстой байсан оёог бүтэн жил авахуулалгүй явж байна гэхээр онгон байхаас яахын./инээв/ Тэр оёог авхуулчихвал эрх чөлөө манд тугай болчих гээд байна ш дээ. Энэнээс болоод хүнээс цэрвээд, хүмүүстэй уулзах ч сонирхолгүй болчихсон.

Эрүүл мэндийн яаманд хандсан асуудал юу болсон бэ?

-Тэр асуудал ийм болсон. /Эрүүл мэндийн яамнаас ирүүлсэн албан бичгийг үзүүлэв. Тэр албан бичигт “Манай улсад хийлгэх боломжгүй хүнд мэс заслыг гадаадын оронд хийлгэсэн хүмүүст олгох тэтгэлэгт хүйс солиулах мэс засал гэсэн заалт байхгүй тул энэ тэтгэлгийг олгох боломжгүй” гэсэн утгатай татгалзсан хариуг Бодлого зохицуулах хэлтэсийн дарга Мөнхбат гэсэн хүнээс ирүүлжээ/ Нэг сурвалжлагч нь авч магадгүй гээд энэ цүнхэнд халтайтлаа явж байгаа. Хамгийн гол нь Амаржаргал гээд хэлтсийн дарга нь их дургүйцээд байгаа. Яагаад заавал ганцхан миний асуудлыг нэмэлт заалт энэ тэр оруулаад ч юмуу шийдээд өгчихгүй байгаа юм бол. Би бөөрний хагалгаа хийлгээгүй, зүрхний хагалгаа хийлгээгүй. Ийм хагалгаа хийлгэсэн хүмүүс нь хүндэтгэх шалтгаантай байдаг. Ганбуушийн хүйс солиулах асуудал хэнд ч хамаагүй. Бөөр, зүрхээ солиулсан хүмүүс өчнөөн байгаа. Гэтэл Ганбууш ганцхан байна ш дээ. Ганцхан хүний асуудлыг шийдээд тавхан сая төгрөг өгчихөж чадахгүй байж яаж улсын Ерөнхийлөгч байж чадах юм бэ ёстой уучлаарай биз дээ.

-Одоо Тайланд руу явж ирээд таны эрүүл мэндийн асуудал ерөнхийдөө шийдэгдчих үү?

-Тэрийг би сайн мэдэхгүй байна. Одоо би хүүхдийн живхтэй л явж байна. Аптек руу ороод хүүхдийн хоёр ноймерын живх авъя гэхээр их гайхаад байдаг. Ариун цэврийн хэрэглэл хийе гэхээр нэвтрээд байдаг. Минийх одоо мэдрэлгүй юм шиг гардаг байсан больсон. Одоо энэ байдлаасаа бас гармаар байна.

-Эрүүл мэнд чинь сайжраад ирвэл хүүхэдтэй болох боломж байгаа юу, Больё гэж бодож байна уу?

-Би хамгийн түрүүнд эмчилгээндээ явж ирчээд Солонгос руу гоо сайхны хагалгаандаа орохоор явна. Миний хөх аягүй жижигхэн. Бас Америк явж бүжиглэн гэсэн бодол байгаа. Ер нь нэг хоёр жилдээ бүжиглэнэ гэсэн бодолтой байгаа шүү. Хүмүүс намайг 15 тай хүүхдийн сав авч суулгуулсан гэхээр тэр хүүхэд нь яасан болоо ч гэх шиг сонин юм надаас асуудаг. Би тэрнийг яаж мэдэх вэ дээ, мөнгийг нь эмнэлэгт нь өгөө л захиалаал авсан. Тайландад иймэрхүү төрлийн мэс засал маш их хийдэг. Зүгээр л жирийн асуудал юм байна лээ. Бас өчнөөн олон хүүхэд төрж байдаг, олон хүнтэй болохоор ядуугийн зовлон их хэцүү. Гэхдээ донор сав энэ тэрээ хаанаас авдагийг нь би мэдэхгүй.

-Нууц биш бол та саваа ямар үнээр хийлгүүлсэн бэ?

-Тэр бол нууц шүү дээ. Харин би одоо явахдаа болохгүй бол авхуулчихдаг юмуу гэж бодох юм. Энэнээс болж би их зовж байнаа. Халуун орны хүүхдийн сав болохоор амархан даардаг болсон. Урьд нь би өвөл ч шилэн тиркотой гарчихдаг байсан одоо бол дулаалаад байхад л даараад байх юм.

-Саваа авахуулчихаар таны нөгөө хүсэл мөрөөдөл чинь талаар болчихгүй юу?

-Зүгээр л нэг ууттай болсон гэсэн үг л дээ. Гэхдээ би бас сайн шийдээгүй байна. Очиж байгаад байдлаасаа л болно доо. Хэрвээ зүгээр болвол эмэгтэй хүн болсоных хүү ч байна уу охин ч байна уу нэг нойтон сормуустай хүүхэд гаргачих юмсан гэж бодогдох юм. Нөхөртэй, нөхөргүй байх нь хамаагүй нэг хүүхэд тээж үзээд эмэгтэй хүний зовлон жаргалыг мэдрээд үзчих юмсан. Өнөөдөр монголд хүчирхэг эмэгтэйчүүд өрх толгойж амьдарч байна. 4, 5 хүүхдийг хэнээс ч дутахааргүй авч яваад энэ эмэгтэйчүүдэд хандаад бас мундаг шүү гэж хэлмээр байна.
-Дандаа ингээд ганцаараа яваад байхын оронд гэр бүлтэй болох юмсан гэж бодогдохгүй байна уу?

-Би энэ талаар бодож байгаа. Надад нэг арван хэдэн жил холбоотой байгаа 45, 46-тай Өмнөговь, Оюутолгой хавьцаа нэг Америк хүн байгаа. Бид хоёр олон жилийн найзууд болохоос бэлгийн харьцаанд ороогүй. Нэг тийм хүн. Тэрний нэг найз нь байдаг юм. Тэрэнд нь би их сайн. Яагаад гэвэл би Монгол хүнд сайн байж болно, тэглээ гээд би сэтгэлээ хуваахын нэмэр л дээ. Яагаад гэвэл монгол хүн надтай мэдээж суухгүй. Хүлээж авахад хэцүү. Тийм болохоор өчнөөн олон мэс заслын ард гарчаад хүний хоёрдогч болоод явмааргүй байна.

-Папарацид нэг герман залуутай өртсөн байсан даа?

-Надад тэр хүн ямарч хамаагүй. Би нэг найзтайгаа баар ажилуулдаг байсан. Тэрэнд нэг залуу орж ирээд /монголоор их сайн ярьдаг/ сайн уу, сайн байна уу гээд сууж байтал зураг авчихсан байна. Тэр үед зураг энэ тэр авсаныг нь ч мэдээгүй. Гэхдээ дараа нь тэрнээс чинь болоод бүр зөндөө хэл аманд орсоон.

-“Гомо” Нараатай хоёр хэр холбоотой байдаг вэ?

-Соцелизмийн үед бол Нараа, Энхболд, Ганбууш гээд олон ил гарсан гурван л хүн байдаг байсан. Ил гарсан бид болохоор их холбож ярьдаг. Түүнээс биш бид нарт ямар ч холбоо байхгүй. Ерөнхийдөө л мэддэг. Нараа миний амьдралд орохгүй, би Нараагийн амьдралд орохгүй тэгээд л явдаг. Нараа чинь эхнэртэй нэг хүүхэд асрахаас авсан тийм амьдралтай хүн шүү дээ.

-Нараа хэдэн жилийн өмнөх нэг ярилцдагадаа нэг даашинз өмссөн байснаа үүнийг манай найз Ганбууш надад өгсөн гэж ярьсан байсан болохоор л таниас ингэж асуулаа?

-Би дээхэн үед Төрийн концертод гоцлон Цэдэнбал дарга Плетова нарын өмнө бүжиглэдэг байлаа. Тийм болохоор хүмүүс намайг их таньдаг. Гэхдээ сайн талаараа хүмүүс намайг мэддэг байсан шүү. Нараад олны танил болоход нэг шаанс хэрэгтэй биз дээ. Тэрэн дээрээ л миний нэрийг барьдаг байсан байх. Би Нараад нэг ч удаа юм өгч үзээгүй. Нараа дандаа тэгж ярьдаг. Нэг бөгж зүүсэн ч нэг малгай өмссөн ч Ганбууш надад өгсөн гэж хэлдэг гэсэн.

-Та ямар бүжиг бүжиглэдэг байв, эрэгтэй хувцастай юу аль эсвэл эмэгтэй хүний хувцастай юу?

-Монгол ардын бүжиг гээд бүх төрлийн бүжиг бүжиглэнээ. Урт үстэй тэгээд эрэгтэй хүний хувцас өмсч бүжиглэдэг байлаа. Чи их нарийн юм асууж байна шүү./инээв/

-Нэг үеийг бодоход хүмүүс таныг их ойлгодог болсон байна. Энэ хандлага таньд ажиглагдаж байна уу?

-Тиймээ энэ хүмүүст баярлалаа гэж хэлье. Намайг гадуур явж байхад хүмүүс хүү шээ та хагалгаанд орсон гэсэн. Ингэж нимгэн явж болохгүйшдээ, доороосоо даарна гээд их санаа тавьдаг. Би сүүлийн үед таксинд ерөөсөө суухгүй байгаа. Таксины жолооч нар чинь янз бүрийн юм их асууна эрсдэл ихтэй. Заримдаа нийтийн унаанд авч явж болохооргүй их юм барьсан үедээ таксинд суудаг юм. Тэгээд зарим жолооч нар нь мөнгө өгөх гэхээр за за яахын бэ, та одоо ингээд яв гээд явдаг ч жолооч нар байдаг. Сүүлийн үед гоё гоё машинтай мундаг залуучууд хүүшээ хүргээд өгье хаашаа явах вэ үйлчлээд өгье, суучих гэж их хоргоодог болоод байгаа.

Би маш хүнд мэс заслыг давж гарчаад зүгээр нэг таксины жолоочтой “учраа олчихно” гэхээр харамсалтай санагдахгүй гэж үү. Тийм болохоор сүүлийн үед байнга автобусаар явж байгаа. Автобусанд ороод явахаар залуучууд нь шууд суудал тавиад өгдөг. Кондуктар нь алив суудал тавиад өгөөрэй гээд их сайхан зантай болсон байна лээ.

-Таныг хамгийн халуухан нэрийн хуудастай гэж ярьдаг таны нэрийн хуудсыг үзэж болох уу?

-Одоо бол үгүй ээ. Урьд нь өөрийнхөө нүцгэн зурагтай нэрийн хуудастай байлаа. Одоо бол тийм биш албан ёсны болсон. /Өвөрхангай нь телевизийн кино албаны дарга гэсэн ажилын үнэмлэх үзүүлэв/ Нэрийн хуудас дээрээ бүх албан газраа бичин гэхээр боломжгүй. Одоо Өвөрхангай нь телевизээс больдог юм уу гэж бодож байгаа байнга хөдөө явахаар хүндрэлтэй байх юм.

-Та өөр ямар газар ажиллаж байгаа вэ?

Одоо ТВ8 телевизд “Сэтгэлд шингэсэн хөдөлмөр” гээд төлбөрт нэвтрүүлэг дээр редактор хийж байгаа.

-Транс Жендер миссийн тэмцээн болдог гэж сонссон, тэр тэмцээн одоо болж байгаа юу?

-Жил болгон болдог. Сүүлийн хоёр жил би очсонгүй. Анхны тэмцээнийг нь санаачилж би ивээн тэтгэж явуулж байлаа.

-Энхриймаа хэдэн оны мисс вэ?

-Уучлаарай Энхриймаа чинь ямар ч мисс болоогүй. Сүүлээсээ хоёрт орж байсан. Тэр чинь ерөөсөө алхаж чаддагүй. Аягүй муухай явдаг, хөгжимөө сонсдоггүй. Энхриймаа чинь “Үнэн” сонинд сэтгүүлч хийж байгаад компьютер хулгайлаад хөөгдөж байсан удаатай. Дарханд байж байгаад одоо Хон конг-д байгаа.

-Түүнийг эх орондоо амьдрах боломжгүй гээд харьяалал хүссэн гэж сонссон?

-Манай нэг байгуулага байдаг. Тэр байгуулгын Ананд гээд лесби эмэгтэй тэрний санал хүсэлтийг НҮБ-д тавиад Энхриймаад тус болж гаргасан юм билээ.

-Анужин гээд бас Мисс байдаг байхаа?

-Анужин бол 2007 оны Мисс. Намайг мэс засалд явахад зуун мянган төгрөг хандивлаж байсан. Бас намайг ирээд сувилал хэвтэж байхад ирж эргэж байсан. Хэрвээ уншиж байвал Анужиндаа бас баярлалаа гэж хэлье.

-Тантай адилхан ийм хүйсийн өөрчлөлттэй хүмүүс ихэвчлэн ямархуу байдалтай байдаг вэ?

-Янз бүрийн нь л хүмүүс байдаг. Олон хэлтэй боловсролтой мундаг хүмүүс ч их байдаг. Иймэрхүү хүмүүсийг ер нь дээд доод дунд зиндааны хүмүүс гэж хуваадаг. Би бол иймэрхүү хүмүүсийг бүгдийг нь таньдаг бүгдтэй нь гайгүй харьцаатай байдаг. Ялангуяа манай байрны 40 мянгатын унаган хүүхдүүд нь намайг бас ийш тийшээ явахад мөнгө төгрөгөөр тусладаг юм. Сая бас хоёр нь надад хавар намрын гуталнууд бэлэглэсэн. Нэг зүйлийг хэлэхэд миний талаар сайтууд дээр гарсан мэдээллүүдийн доор муухай сэтгэгдэл бичдэг хүмүүс бол жинэхэн эмэгтэй, жинхэнэ эрэгтэй хүмүүс байдаггүй. Надтай адилхан л хүмүүс байдаг. Жинхэнэ эмэгтэй эрэгтэй хүмүүс надад яасан гэж атаархах юм бэ? Нөгөө над шиг мөртлөөсөө амжихгүй чадахгүй хүмүүс л надад атаархаж үхээчээ далд ороочээ гэж бичдэг. Иймэрхүү хүмүүс чинь нэгэндээ атаархаж, өшөөрхөж гэмт хэрэг хүртэл гарсан. 2009 оны мисс гээд залуу нэг хүнийг алаад одоо шоронд байгаа ш дээ.

-“Өрөөсөн ээмэг” гээд зохиол бичсэн гэсэн киногоо хийх үү?

-Тиймээ, 30 ангитай өөрийнхөө амьдралаас сэдэвлэсэн кино зохиол бичсэн. Кино хийх талаар Америк, Француудтай яригдаж байгаа. Монголд одоо сүүлийн үед гараад байгаа хүн наалдацтай биш тийм нэг муу кино хиймээргүй байна. Хүйсийн тодорхой бус байдалд төрсөн хүн социализмийн үед, картын системийн үед, зах зээлийн үед Ардчилал гараад ямар байна, одоо ямар байна гээд хүний амьдрлын эрээн барааныг гаргасан гүн ухааны кино болох юм. Өөрийнхөө бодсоноор кино хийлгэе гэхээр Монголд “амжихгүй” байгаа. Амжихгүй гэхээр бас уурлах л байх л даа.

-Хүний амьдралд найз гэдэг зүйл хамгийн чухал байдаг. Таны хамгийн дотны найз гэвэл ямар хүн байдаг вэ?

-Хамгийн дотны гэхээр бусад нь гомдчихно. Би их олон найзтай, ихэнх нь эмэгтэй хүмүүс байдаг. Гэхдээ их мундаг эрэгтэй найз нар байгаа. Тэр болгоныг би яриад нэрлээд байх шаардлага байхгүй. Найз гэхээр л өвөр түрийндээ гүйж ороод байх шаардлагагүй биз дээ. Найз гэдэг чинь манж гаралтай хошного гэсэн үг шүү дээ. Манай монголчууд чинь миний анд гэж ярьдаг байсан шдээ. Жавхланг би бас гайхдаг. Монголынхоо түүхийг судлаагүй, монгол бичгийн галигаар бичиж сурчихаад үгийн бүтцийг нь судлаагүй байж Монголын газар шороо, эх орон гээд байдаг нь их гайхал төрүүдэг. Дуучныхаа хувьд бол хүндэлдэг л дээ, мундаг дуучин. Авгайгаа араг түшүүлээд төрүүллээ л гэнэ ийм дэмий юм хийж явахын оронд дуулдаг дууныхаа үгийн утгыг мэддэг байх хэрэгтэй биз дээ. Жавхлангийн “Миний найз” гээд дуу байдаг тэр чинь минийи хошного л гэсэн үг байхгүй юу. Гэхдээ энэ дууны үгийг Жавхлан зохиогоогүй л байх л даа.
-Та спортынхноос хэнийг дэмждэг вэ, бөхчүүдээс ч юмуу?
-За дэмий дэмий. Тэр энэ гээд хэлчихвэл хандархсан болчих байлгүй./инээв/
-Одоо нэг үеийг бодвол иймэрхүү зүйлийг хүмүүс их ойлгодог болсон байна. Тийм болохоор одоо танд хүндрэлтэй зүйл байдаггүй биздээ?
-Үгүй, одоо ч гэсэн гудамжаар явж байхад чинь залуучууд цоолуулсан уу яасан, би байгаа шүү ч гэх шиг. 100 саяар цоолуулна гэсэн билүү, энэ тэр гээд зүгээр явуулахгүй хэцүү шүү дээ.
-Та онгон хальсаа ямар үнээр үнлэсэн байсан бэ? Энэ үнийг хэн гаргав, та өөрөө юу?
-Хэдэн баян найзтайгаа ярилцаж байгаад дуудлага худалдаа зарлаад үнэ хаялцаад анхны дуудах үнэ нь 3000 доллараас байж байгаад одоо бүр өссөн ш дээ. 100 сая болсон байгаа одоохондоо. Чингис хааны академийн Давааням гуай Монгол хүний үнэлэх үнэлэмж 300 сая байдаг юм. 100 сая гэдэг чинь бага мөнгө байна гэсэн надад. Тэгэхээр би өөрийгөө үнэлэх үнэлэмж нь 300 сая юм байна гэж ойлгож байгаа.

За за сайхан ярилцлаа, танд эрүүл энхийг хүсье
Баярлалаа.

Ц.ЗАЯА