П.Н.Шастины нэрэмжит гуравдугаар эмнэлгийн ард баригдаж байсан “МҮДИ” компанийн барилга дээр ажиллаж байсан “Төгс Гүрэн” ХХК-ийн өргөгч цамхагт 12 настай охин даруулан амь насаа алдсан хэрэг өнгөрсөн 2012 оны есдүгээр сарын 3-нд гарсан билээ.

Б.Есүгэн охины аминд хүрсэн энэ хэргийг Баянгол дүүргийн цагдаагийн хэлтэст шалгаж дуусаад Прокурорт шилжүүлж, улмаар Прокурор өнгөрсөн сард Баянгол дүүргийн шүүхэд шилжүүлээд байсан юм. Тэгвэл уг хэргийн шүүх хурал өнөөдөр Баянгол дүүргийн шүүхэд 15.30 цагт болох байсан ч шүүх хурлыг хойшлуулжээ. Учир нь шүүгдэгч н.Болд, н.Саранхүү нарын өмгөөлөгч хавтаст хэрэгтэй дахин танилцах хэрэгтэй, н.Гантөмөрийн өмгөөлөгч шинжээч Ургамал болон Чулуунчимэг нарыг шүүх хуралд байлцуулах шаардлагатай хэмээн гэсэн үндэслэлээр хойшлуулсан байна.

Ингэснээр шүүх хурлыг ирэх долдугаар сарын 3-ны 08.00 цаг хүртэл хойшлуулж байгаа юм.

Эх сурвалж: Шуурхай.мн