Сирийн нэгэн дайчин алагдсан цэргийн зүрхийг ухаж идэж буй бичлэг интернэтэд тавигджээ. Бо­согч­дын удирдлагууд үүний да­раа­хан дээрх хэргийн эзнийг олж, шийтгэнэ гэж мэдэгдсэн байна.
Энэхүү бичлэгт Сирийн дэг­лэмийг эсэргүүцэн дайтаж буй хээрийн командлагч үхсэн хүний зүрхийг гаргаж ирээд идэж буйг харуулжээ.
Дээрх бичлэг бодитой бөгөөд хээрийн командлагч ч өөрийгөө илчилсэн  байна.  Энэ  бол босогч­дын нэгэн бүлэглэлийн тэргүүн, “Абу Аскар” хочит Халид Аль-Хамад юм. Гэтэл босогчдын удирд­лагууд гэмт хэргээс бултаж, түүнийг ол­бол нэн даруй шийтгэнэ гэж бай­гаа аж. Үнэхээр ч түүнийг хэзээ барих нь тодорхойгүй. Учир нь босогч­дын бүлэглэлийнхэн са­лангид үйл ажиллагаа явуулдаг билээ.
Энэ бичлэг Сирийн Засгийн газрын сайтад яаралтай гарсан. Харин уг бичлэгийг хараад Их Британи, Франц улс босогчдод зэв­сэг нийлүүлэх эсэхээ дахин нягт­лах нь лавтай.

Эх сурвалж: Өглөөний сонин