Өнгөрсөн ням гарагт болсон Сонгинохайрхан дүүргийн 26-р тойргийн дахин санал хураалтад МАН-аас нэр дэвшсэн Д.Сумъяабазар сонгогчдын 55 хувийн саналаар буюу өрсөлдөгчөөсөө 5200 саналын зөрүүгээр илт давуу ялалт байгуулсан.

Иймээс энэ долоо хоногт УИХ шинэ гишүүнээр бүл нэмэх нь нэгэнт тодорхой болсон. АН-ын зүгээс сонгуулийн дүнг хүлээн зөвшөөрөхгүй байгаа ч энэ нь намын албан ёсны байр суурь биш бөгөөд УИХ дахь АН-ын бүлгийн зарим гишүүд санал хураалт 22.00 цагт дуусах ёстой байсан” хэмээн тайлбарлаж байна.

Ямартай ч УИХ-ын сонгуулийн 26-р тойргийн хорооноос МАН-аас нэр дэвшигч Д.Сумъяабазарт өнөөдөр УИХ-ын гишүүний түр үнэмлэхийг нь гардуулах байсан хэдий ч тойргийн хороо одоог хүртэл хуралдсаар байна. Үнэхээр санал хураалтыг цагаас нь өмнө зогсоосон юм бол нэр дэвшин ялалт байгуулсан Д.Сумъяабазарын буруу биш, СЕХ-ны буруу байлтай. Сонгуулийн сурталчилгаа, өмнөх сонгуулийн дүнгээс болж шүүхэдсэн зардал, сэтгэл санааны хоирол гээд Д.Сумъяабазар тэртэй тэргүй хэлмэгдэж яваа нэгэн.

Хамгийн гол нь нийт Сонинохайрханчуудын хувьд УИХ-д нэг төлөөлөлгүй бүтэн жилийн нүүрийг үзэх гэж байна. Сонгинохайрхан дүүргийн иргэд УИХ-д дуу хоолойгоо илэрхийлэх эрхтэй. Иймээс ганц нэг цагийн наана цаана хамаагүй, тэртэй тэргүй үнэмлэхүй ялалт байгуулсан Д.Сумъяабазарын бүрэн эрхийг хүлээн зөвшөөрөх нь зүйтэй. Ерөнхийлөгчийн зөвлөх Л.Эрхэмбаярт Сонгиночууд итгэл үзүүлэхгүй гэдэгээ хоёр дахь удаагаа нолтолчихоод байхад өөр ямар үр дүн хүссэн юм вэ.

Аль эсвэл “Ноёны бөх түрүүлж болдог, харцын хүүхэд түрүүлж болдоггүй ямар янзын наадам вэ” гэдэг шиг “Эрх барьж байгаа намын, тэр дундаа ерөнхийлөгчийн хүн ялагдсан ч УИХ-д суух гээд зүтгээд байдаг, сөрөг хүчнээс нэр дэвшсэн хүн үнэмлэхүй олонхийн саналаар ялалт байгуулсан ч жаахан шалтаг заагаад бүрэн эрхийг нь хүлээн зөвшөөрдөггүй ямар янзын улс төр гээч вэ, энэ чинь

tsag.mn