Монголын урлаг цоо шинэ өнгө аясыг мэдрүүлсэн хамтлаг бол яах аргаггүй “Хар сарнай”. Хэдийгээр өнөө үед тухайн үеийн хамтлагийн гишүүдээс ихэнх нь уран бүтээлээсээ хөндийрч өөр өөрийн замыг хөөсөн ч Амараа өнөөдрийг хүртэл тасралтгүйгээр уран бүтээл хийж яваа.

Түүний урлагийн ертөнцөд өнөөг хүртэл өөрийн гэсэн орон зайгаа хадгалсаар яваагийн гол нууц нь эрч, хүчтэй, сэтгэлд хөөргөтөл бүжиглэдэг түүний авьяас нь гээд хэлчихэд нэг их буруудахгүй байх. Бүжигчин удамтай тэрбээр сүүлийн үед хувийн амьдралдаа болон карьертаа нэлээд өөрчлөлтийг хийгээд байгаа.

Өөрөөр хэлбэл Амараа “Авъяаслаг монголчууд” нэвтрүүлэгт оролцож гуравдугаар байр эзэлсэн “Бөртэ чонын үр сад” хамтлагийг дэргэдээ авсан бол хэдэн жил гоонь явсан тэрбээр эхнэртэй болж, үрийн зулай үнэрлэсэн билээ.

Гэвч тэрбээр нялх биетэй эхнэрээ нэлээд эрхлүүлдэг бололтой. Хаа ч явсан дагуулж явдаг болжээ. Шинэ киноны нээлт, хүлээн авалт, тоглолт гээд л байнга хамт яваа харагддаг. Ялангуяа тоглолтын үеэр эхнэр нь түүнд тайзан дээр гаран гартал нь халамж тавьж, “Бөртэ чонын үр сад” хамтлагийнханд ч нэлээд анхаарч байгаа харагдсан шүү.