Энэ жил ундаа, жүүс үйлдвэрлэгчдэд “харш” ч гэлээ, хэрэглэгчдэд тун ээлтэй байлаа. 100% байгалийн цэвэр жимсний жүүс хэмээн хэрэглэгчдийг хуурсаар ирсэн тэдний бусармаг үйлдэлд О.Магнай цэг тавьсан юм. ШӨХТГ-ын санаачлагаар жүүс үйлдвэрлэгчид шошгондоо “үнэнийг өчнө” гэдгээ амласан. Охидын Honeymoon хөвгүүдийн Crush bash хамтлагийнхнаар рекламдуулж, өсвөр насныхны арааны шүлсийг асгаруулдаг “Гоё” нэртэй ундаанаас мөөгөнцөр илэрсэн гэдэг нь “Муухай факт”. Урлаг, гоо зүй, оюуны хөдөлмөрийг үнэлэхдээ маруухан монголд эдгээр хамтлагуудыг дэмжсэн нь Витафит компанийн хувьд сайшаалтай. Гэхдээ охид, хөвгүүдийн сонирхлыг ид татаж буй шинэ үеийнхнээр ядмагхан бизнесээ сурталчлан, тархи угаалт хийсэн гэхээр харамсмаар. Аль ч төрлийн рекламанд тоглохдоо урлаг, соёлынхон, олны танилууд дотроо бодолтой дороо суурьтай хандаж байхыг метильтэй спиртээр үйлдвэрлэсэн архи, мөөгөнцөртэй ундаанд хордож болзошгүй гашуун туршлага харууллаа.
Б.Болор
shock.mn