Сүхбаатар дүүргийн нутаг дэвсгэрт үйл ажиллагаа явуулдаг нэгэн шөнийн цэнгээний газарт байсан сэжиг бүхий гурван сурагчдаас архи үнэртээгүй боловч биеэ хянах чадваргүй болтлоо мансуурсан байжээ. Тэд архи илрүүлэх тусгай багаж уруу үлээсэн ч согтууруулах ундаа илрээгүй гэнэ. Иймд эдгээр мансуурсан байж болзошгүй дунд сургуулийн гурван сурагчийг эрүүлжүүлсэн байна. Сүхбаатар дүүргийн Цагдаагийн хэлтсээс зохион байгуулж байгаа мансуурал нэгдсэн шалгалт үргэлжилсээр байна. Шалгалтаар хар тамхи мансууруулах бодистой холбоотой хэд хэдэн хэргийг илрүүлсэн гэж тус дүүргийн Цагдаагийн хэлтсийн ОНХА-аас мэдээллээ.