“Хөдөөнийхөн биднийг хэвлэл мэдээллээс хол тасарсан хэлгүй, дүлий хүмүүс гэж бодоо юу? Харин ч нэг үгүй байх аа” хэмээн хайртай гэргий Т.Баясгалантай нь хамт уурсан хөөсөн байна лээ. Бас болоогүй “Эцгийнхээ газрыг тахиж эргэдэггүй эрээ цээргүй хүү” хэмээн чичлэсэнд ээж нь сандрахдаа “Батбаяр чинь өөр хүний хүүхэд юм байгаа юм” гэж даарин дээр нь давс нэмээд авсан гэдэг. Баартай хүүгийнхээ балгийг цайруулах гэсэн хөөрхий ээжийн сэтгэлийг яалтай ч билээ. Хүний эх юм гэсэндээ хүүгээ өмөөрөн дуугараа л биз, гомдоод юу хийнэ.
Ер нь ч тэгээд боловсролгүй хүн яаж бодлого боловсруулагч, түмнийг төлөөлөгч болох вэ дээ. Монголын эдийн засгийн форум дээр сууж байхдаа мандатаа зүүгээд унтаж байсан нөхөр шүү дээ. Ядахнаа өөр хүний нэртэй мандат гээч. Хэсэгтээ л Кёкүшюзан биш Зоригт Д. Батбаяр гэж дуудуулаад авсан. Хэнэггүй гэхэд даанч хэнэггүй юм.
Хамаг олны хайран итгэл Батбаяр минь. Хүн шиг амьдруулья гээд ч, Ховдчууд чамд итгэл хүлээлгэхгүй нь дээ. Эр хүн хэлсэндээ эмээлт морь харайсандаа л баймаарсан даа.