Өчигдөр Хэвлэлийн хүрээлэнд Сүхбаатар аймгаас иргэн Ч.Доржхуяг ирж мэдээлэл хийлээ. Тэрээр олон түмэнд үнэнийг дэлгэж, гэмт хэргийн золиос болох гэж байсан тухайгаа хэлэхээр нийслэлийг зорьжээ.
Иргэн Ч.Доржхуяг нь 1989 он буюу ардчилал гарч байх үед Гомбосүрэн гэгч хүнд хөлслөгджээ. Тухайн үед Гомбосүрэн нь аймгийн намын хорооны хэлтсийн даргаар ажиллаж байсан аж. Тэр Ч.Доржхуягт ардчилсан нам, ардчилалын холбооны гишүүн хуурамчаар болж, ямар ямар үйл явдал, ямар зүйлс болж байгааг мэдээлэл гэж даалгасан байна. Анх энэ саналыг тавихдаа түүнд 20 мянган төгрөг өгч байсан байх юм. Үүнээс хойш Ч.Доржхуяг 2008 оныг хүртэл тагнуулын ажил хийж МАХН-д мэдээлэл өгдөг байжээ. Энэ хугацаанд тагнуулч маань 500 мянгаас сая хүртлэх төгрөг авч байжээ.
Хамгийн сүүлд Ч.Доржхуягт 2008 онд Ерөнхийлөгч асан Н.Энхбаярыг Сүхбаатар аймагт айлчлах үед буудаж хөнөө гэсэн даалгавар өгч байсан гэнэ. Гэхдээ тэр хэн хаанаас энэ дааалгаврыг өгч байсныг нь тодорхой мэдэхгүй байсан юм. Ч.Доржхуягийн хэлж байгаагаар маш нууц газар сонгон даалгаврыг өгдөг байжээ. Түүнийг сүүлийн даалгавараа авахаар очиход тэнд дуран хараатай буу, нэг сум, Н.Энхбаярыг хөнөөх газрын зургийг хийсэн байжээ. Мөн 50-60 орчим сая төгрөг байсан байна.
Энэ даалгавраасаа татгалзсанаар дээрх түүний ажил төгсгөл болсон аж. Мөн Ч.Доржхуягт мөнгө өгөхдөө Монголбанк гэсэн нууцлалын тэмдэггүй мөнгө өгч байсныг өнөөдөр хэвлэлийн байга хурал дээр дэлгэсэн юм.
Энэ хэргийг сонгуулийн үеэр дэлгэн тавьсаны шалтгаанаа ард иргэдийг зөв сонголт хийгээсэй, МАН маш олон хууль бус зүйлс хийж байна. Үүнд битгий автаасай гэсэн зорилготой гэж байлаа. Мөн АН-с ичгүүр сонжуургүй болчимгүй зүйлс хийж байсандаа уучлал хүссэн юм.

chuhal.mn