Хосуудаараа “алдартай” Х-Түц продакшныхан тун удахгүй ууган гавъяатынхаа шинэ хүнийг өлгийдөн авах гээд их л баяртай байгаа.МУГЖ И.Одончимэг бие давхар болсон нь зөвхөн тэдний гэр бүлд биш “х-түц” продакшн болон урлагт хайртай ард түмэнд ч хүлээлт авчрав. Түүнийг энх тунх “хурдан нярайлуулахыг” хүссэн олон түмэн сар нь болоогүй байхад хэд хэдэн удаа “төрүүлээд” амжсан билээ. Харин өнөө маргаашгүй төрөх болсон МУГЖ И.Одончимэгийн хувьд олон жилийн дараа дахин төрөх гэж байгаа учир аль болох хөдөлгөөнтэй байхыг эрмэлзэж байгаа гэнэ лээ. Тиймдээ ч жүжигчин Т.Бархүү тулгар биетэй эхнэрээ дагуулсаар гадуур зугаалж, олны нүдийг хужирлах нь ихэссэн байна. Сүүлийн үед эхнэрээ эрхлүүлэхээс өөр “ажилгүй” болсон Т.Бархүү ч түр хугацаанд уран бүтээлээсээ чөлөө авч, хамтлагийнхаа “Эхнэрээрээ гоёцгооё” тоглолтонд оролцоогүй байна.

Н.Хувьзаяа