Өнгөрсөн баасан гараг буюу энэ сарын 14-ны өдөр дашням, балжинням давхацсан билигт сайн өдөр Хуримын ордонд нийт 128 хос гэрлэлтээ батлуулжээ. Энэ өдөр эрхэм гишүүн Д.Лүндээжанцангын хүү Л.Мөнхдэмбэрэл ч хуримаа хийж, гал голомтоо бадраав. Гишүүний хувьд энэ хуримын талаар багагүй нууцлахыг хүссэн нь янз бүрийн хэл амнаас айсных гэнэ. Учир нь хоёр жилийн өмнө түүний охин хуримаа хийсний дараа сурвалжлага хийсэн сэтгүүлчид охиныг нь гадаадын иргэнтэй гэр бүл боллоо гэсэн мэдээлэл цацжээ. Тиймээс Д.Лүндээжанцан гишүүн хүүгийнхээ хуримыг хэвлэлийнхэнээс “далд” хийхийг хүссэн байна. Түүний хувьд одоогоос 30 жилийн өмнө яг энэ өдөр эхнэртэйгээ гэрлэлтээ батлуулж, гэр бүл болж байсан учир хүүгийнхээ хуримыг энэ өдөр хийхээр төлөвлөсөн байжээ.

М.Хувьтөгөлдөр