Хүн бүрийн хувьд анхны хайр хамгийн нандин, ариухан байдаг. Харин хүч чадал, ааг омгоор дүүрэн монгол түмний их аварга Д.Давгадоржийн анхны хайрынхаа тухай ийнхүү хуучилжээ.

-Хүн болгонд ирээд буцдаг анхны хайр гэдэг зүйлийн тухай яръя. Та хэзээ энэ зүйлтэй учирч байсан бол. Сэтгэл зүйн хувьд бас л нэг сонин үзэгдэл шүү дээ?
-16 настайдаа. Ертөнцийг харах нүд чинь өөр болоод ирдэг нас биз дээ. Би гэдэг хүн ч бас хувираад л.  Гэтэл миний өмнө нэг хөөрхөн охин гарч ирсэн.. Гэнэн, ариун, тэгсэн хэрнээ өөрт маань даах чинээгээр нь л хөнгөхөн шаналал авчирч байгаа юм л даа. Анхны хайртай ингэж учирч байлаа. Яагаад ч юм үүл харахаар тэр охины царай надад харагддаг байсан.  Зуны гоё, сэвгэр цагаан үүл. Цаана нь цэв цэнхэр тэнгэр.Тэгээд тэр дунд цав цагаан үүлэн дунд тэр охины царай харагдаад л. Одоо эргээд санахаар маш гоё дурсамж. Хүүхэд юугаа мэдэх юм бэ. Догдлоод л. Тэгээд л би япон явчихсан юм хэмээн ярьжээ.