Хятадын талаас хилийн боомтоо чангатгаснаар Өмнөговь аймгийн “Гашуунсухайт” боомтоор гаргаж буй нүүрс тээвэрлэлтийн автомашины цуваа 90 орчим км үргэлжилсэн хэвээрээ байна. Хилээр гаргах нүүрсний хэмжээ багассантай холбогдуулан Засгийн газраас нүүрсний гурван бүлэг орд болох “Энержи рессурс”, “Эрдэнэс таван толгой”, Орон нутгийн өмчит “Таван толгой”-д квот тогтоосон байна. Энэ нь 24 сая тонн нүүрс нийлүүлнэ гэсэн манай энэ оны төлөвлөгөө тасрахад хүрээд байгааг эх сурвалжууд хэлж байна.
Энэ зунаас хойш тус боомтод нүүрс тээвэрлэлтийн автомашины урт цуваа үүсч асуудал дагуулсаар байна. Энэхүү үүссэн асуудал өнөөдрийг хүртэл үргэлжилсээр байгааг сэтгүүлчдийн баг газар дээрээс нь энэ сарын 19-21 ны өдрүүдэд сурвалжиллаа. Өмнийн говийн шаргал наран мандахтай зэрэгцээд шороон манан татуулсан тоосон дунд Өмнөговь аймгийн Гашуунсухайтын боомтыг зорилоо.
ГАШУУНСУХАЙТЫН БООМТООР НҮҮРСЭЭ ГАРГАХ ГЭЖ ЖОЛООЧ НАР 14 ХОНОЖ БАЙНА
-“Энержи рессурс”-ээс хөдөлсөн бид тоос, шороо босож үзэгдэх орчин муу их талын дундуур хатуу хучилттай зам, шороон замаас нэг гарч, нэг орж явсаар тэртээд харагдах нүүрс тээвэрлэлтийн автомашины тэнгэр баганадан тоос татуулсан урт цуваанд дөхөж очив. Машины толгой хэсэг нь цагаан, хар, цэнхэр, шар өнгөтэй. Урт тэвштэй эдгээр машинуудыг толгойн өнгөөр нь аль уурхайн машин гэдгийг төвөггүй танина. Боомт руу дөхөх тусам машинууд гэрлээ асаасан харагдана. Удалгүй эсрэг урсгалд нүүрсээ буулгасан ганц нэг машины тоо нэмэгдэж зөрөн өнгөрсөөр хөл хөдөлгөөн ихсэж Гашуунсухайтын боомт дээр ирлээ. Биднийг Хил хамгаалах байгууллагын аюулгүй байдал шалган нэвтрүүлэх хяналт хариуцсан дарга Б.Мэндбаяр тосож авав. Тэрээр бидэнд боомтод үүсээд байгаа цаг үеийн байдлын талаар мэдээлэл өгөв. Тус боомт 1992 онд байгуулагдсан. 2009 оноос байнгын ажиллагаатай болж нүүрс тээвэрлэлтийн үйл ажиллагааг эхлүүлсэн байна. Зорчигчын гарах чиглэлд өглөө 08:00 цагаас орой 17:00 цаг хүртэл, нүүрс, эрдэс баялгийн чиглэлд 20:00 цаг хүртэл шалган нэвтрүүлж байна. “Хятадын талаас татан авалтыг багасгаснаар байдал хүндэрч дугаарлалт дээд тал нь 200 км хүрсэн. Өдөрт 350 орчим машин нэвтэрч байсан. Саяхан Ерөнхийлөгчийн орон тооны бус зөвлөх ирж ажиллаад Хятадын талд татан авалтыг нэмэгдүүлэх хүсэлт тавьснаар зөвхөн өнөөдөр л хамгийн их 831 машин хилээр гараад байна. Цаашид нэмэгдэх хандлагатай. Одоогоор 7090 орчим машин дугаарласан байна. Эсрэг талын татан авалтаас шалтгаалан урсгалаа нэмэгдүүлэх боломжтой. Өнөөдөр дөрвөн урсгалаар нэвтрүүлж байна. Хятад хоёрхон замаар хүлээж авдаг. Тиймээс манайх зургаа болгох шардлагагүй. Хоёр талдаа ачааллаа тэнцүүлж байна. Өмнө нь манайх дөрвөн урсгалаар өдөрт 1700 машин нэвтрүүлдэг байсан. Тэгэхэд ийм дараалал байгаагүй. Нэг машиныг 25 метр гэж тооцоход 1700 машин 50 орчим км болдог. Өдөрт 50 км татаж байна гэхээр дараалал үүсэхгүй. Татан авалт нь багасахаар хойноос ачилт нь нэмэгдэж урт дараалал үүсдэг.Одоогоор 90 орчим км урт дараалал үүссэн” гэв. Гаалийн хяналт бүрдүүлэлтийн албаны дарга Ж.Мөнхбат “Өнөөдрийн байдлаар бүрэн хүчин чадлаараа ажиллаж чадахгүй байна. Боомтоор хамгийн олон машин нэвтрүүлсэн үе нь тав, зургадугаар сар. Өдөрт 1500-1600 автомашин нэвтэрч байсан бол Хятадын талын хоригоос болж долдугаар сараас хойш 500-650 орчим машин нэвтэрч байна. Харин сүүлийн өдрүүдийн нэвтрэлтээс хамгийн их 831 авто машин нөхцөл байдал үүссэнээс хойшхи хугацаанд буюу энэ сарын 20-нд нэвтэрлээ. Хилийн цэрэг, манайх, МХГ болон бусад газруудад орон тоо нэмэгдэж бүтэц зохион байгуулалт нь сайжирсан. Ажлын ачааллыг даах чадвартай. Хятадын талаас татан авалтыг гүйцэд хийхгүй байгаагаас ийм байдал үүсч байна” гэлээ. Энд хилээр гарах гээд дугаарлаж байгаа жолооч нартай уулзсан юм. Энержи Ресурсын жолооч С.Уранбаяр “ Би дугаарлаад зургаа хонож байна. Энэ зун 10 хонож байсан. Гэхдээ богино зайнд таталт хийдэг болохоор арай гайгүй. Хоолоо өөрсдөө зохицуулж байна. Заримдаа ар гэрээсээ хоол авдаг” гэсэн юм. Мөн наадмаас хойш гэртээ хариагүй энд дугаарлаад 14 хонож байна. Хоол ундаа машины бүхээгтээ хийж идэж байна. Газын пилетека зөвшөөрдөггүй болохоор хүндрэлтэй. Одоо хүйтэрч эхэлбэл хүндрэл үүснэ. Хүйтнээс өмнө хэвийн үйл ажиллагаанд орох байх гэж найдаж байна гэж ярих жолооч нар ч таарч байлаа.
ЦАГААН ХАДНЫ ГААЛИЙН БҮСИЙГ НЭЭСЭН Ч УРТ ДАРААЛАЛ ХЭВЭЭРЭЭ
Манай нүүрс тэр дундаа орон нутгийн жижиг Тавантолгойн нүүрсийг үнэ цэнэтэй байлгах гарц Цагаан хадны гаалийн бүс юм. Засгийн газраас Цагаан хадны гаалын хяналтын бүсийг хаах тухай шийдвэрийг өнгөрсөн наймдугаар сарын 17-нд гаргасан нь бас дайран дээр давс нэмсэн үйлдэл болсоныг хэлэхгүй өнгөрөх аргагүй. Учир нь Уул уурхайн компаниуд Цогтцэций суман дахь Тавантолгойн уурхайгаас нүүрс тээвэрлэж, Ханбогд сумын нутагт байрлах Цагаан хадны Гаалийн хяналтын бүсэд гаалийн бүрдүүлэлт хийлгэн экспортолдог байсан юм. “Эрдэнэс Таван Толгой” ХК-ийн Гүний гаалийг Цогт Цэцийд байгуулснаар нүүрсний тээвэр эрхлэх үйл ажиллагааны 50 хувийг БНХАУ-ын тал гүйцэтгэхээр “Эрдэнэс таван толгой” ХК нь Хятадын талтай тохиролцсон байна. Ийм нөхцөл байдал үүссэнээр нүүрсний тээвэр эрхлэх манай аж ахуйн нэгжүүдийн үйл ажиллагаа үндсэндээ зогсох болно. Үндэсний аж ахуйн нэгжүүдийн үйл ажиллагаа зогссоноор улсын төсвийн орлого, орон нутагт орох татаас болон тээвэр, нүүрсийг дагаж амьдралаа залгуулдаг олон мянган иргэн орлогогүй болно. Хэрэв шууд Таван толгойд байрлах Гүний гаалиас БНХАУ-ын Ганц мод боомтод нүүрс буулгавал тээвэрлэлтэд гарах бүх зардлыг Монголын тал хариуцахаар болжээ. Харин Засгийн газар энэхүү тогтоолоо эргэн харж өнгөрсөн есдүгээр сард уг тогтоолоо түдгэлзүүлж гаалийн бүсийг нээсэн ч дундын тээвэрлэлт муу байгааг хэлж байсан. Уг нь Хятадын тал манайхаас харилцан тээвэрлэлт хийдэг байсан бол манайх хараат байдалд орохгүй л байх байжээ.
Үргэлжлэл бий…
Эх сурвалж: “Зууны мэдээ” сонин
Ц.МЯГМАРБАЯР
Холбоотой мэдээ
-
Хайртай Монго л орнрр мандууляааа (October 23, 2017 12:16:45 pm )
Хилээ хаах естой манайхаааан Бид царайчлах биш биднийг хужжаа нар гуйх хэрэгтэй Ядаж л гуйлгаж чададгүй юм аа гэхэд бид бас санал пиптий пиптий байх хэрэгт Ямагт энэ муу лалрууд давуу байна гэжж нээрээ Арай ч дээ
Ардын засгаа -
Opt (October 23, 2017 2:21:31 pm )
Монгол ялж хил хаагдав. Хил хаагдсаны хохиролыг тостой хэдэн жолооч нар маань биеэрээ амсаж тэдний амьдрал доройтож эхэллээ. Улсад ордог орлого хумигдаж багш эмч нарын цалин нэмэгдэх боломжгүй болжээ. Ухаангүй ноёны урагшгүй үйлдэл улсаа хохироож түмнээ ядууруулж хоосон хийрхэл популизм 21-р зуунд хол явахгүй гэдгийг батлан харууллаа.Тэнгэрийн харанхуйгаас ухаангүйн харанхуй аюултай хэмээх мэргэн үгийг санацгаая.
-
зочин (October 23, 2017 4:17:55 pm )
Өмнөговийн Гашуун суайт боомт нэртэй Балгас аль 1992 оноос эхтэй манайхан дэндүү арчаагүй олхиогүй байна. Өдийд маш хөгжисөн байх ётой гэтэл харал даа урьд хийлийн боомттой харициулын аргагүй өдөр шөнө хоёр л гэсэн үг.Бүхэл бүтэн 25 жил ийм багас шиг боомт байснаас байхгүй нь нэрэнд цэвэр шүү дээ. Оронд нд яаралтай төмөр зам тавиад энэ тоо томшгүй шалаанзыг нэг мөр халах хэрэгтэй яадаж л байгал орчин бохирдуулахгүй шүү дээ
-
зочин (October 23, 2017 4:21:48 pm )
Өмнөговийн тэр Гашуун сухайт боомт нэртэй Балгас гэдэг газар Халхын хамгийн адгийн шаар хогнууд цугалсан газар бузар газар шүү дээ
-
Zochin (October 24, 2017 1:38:59 am )
UHAAN MUUTAI AJIL HUDULMUR ERHELDEGGUI ZOVJ UZEEGUI HEDEN AJILGUI TEMTSELGUI HUMUUSIN SONGOLT NI ENEDE HU…OVOO YAVJ BAISAN AJIL BOLOOD MUNGUN URSGALIG GAZART UNAGVAA MONGOL YALNA GESEN YALAA TEGEED….
-
зочин (October 24, 2017 8:46:20 am )
МАН-ыг анх ялалт байгуулахад Хятадууд бас л иймэрхүү ариншин гаргаж л байсан. Сүүлд нь өөрснөө гуйгаад л зээл хуйл өгөх гээд л гүйгээд байсан биз дээ. Иймэрхүү дарамтыг даах чадварыг өнөөгийн Засгийн газрын гишүүн бүр эзэмшиж Монгол хүний зангаргаар ажиллах хэрэгтэй. Юунаас нь айж бэргэдэг юмб.
-
irgen (October 24, 2017 11:16:19 am )
Tumur zam heregtei , heregtei
7 Comments