Ж.Оюунгэрэл гэгч эрхэмийн хүүд Монголын цагдаа жулдаад байгаа гэнээ.

Шөнийн клубт танхайран хүний эрх чөлөө, эрүүл мэндэд халдан хажуу ширээний залуугийн нүдийг шилэн аягаар гэмтээн цагдан хорих төвд морилсон байна. 461 –р ангиас суллагдсан даруйдаа гадаад зугаалхаар одсон тухай ч гарч байна.

Хамгийн аюултай нь сэжигтэн Б.Дөлгөөний гэмтээсэн хүн нь Эрүүл мэндийн сайд асан Н.Нямдаваагийн газар дээрхи ганц хүү нь бөгөөд харах мэлмийгээ зүсүүлсэн хайран хүүгээ хараад яаж зүгээр суух вэ? Хэргийн үнэн мөнийг олуулъя. Танхай балмад этгээдүүд ахин хүний хүүхдийн нүдийг гэмтээн цаашлаад хүний амь нас, эд хөрөнгө эрүүл мэнд гээд бүх юманд аюул хүргэж болзошгүй тул хууль сахиулагчдад ханджээ.

Насаараа Монголын эрүүл мэндийн салбарын төлөө чөмгөө дундартал зүтгэж, шилжилтийн үеийн эрүүл мэндийн салбарыг нуруундаа үүрээд гарсан Н.Нямдаваа гуай өнөөдөр хуулийн өмнө хэн ч биш болоод гомдол санал нь мөрдөн байцаагчийн ширээний нүдэнд тоосонд дарагдан байгаа бол харин сэжигтэн Б.Дөлгөөн эрх чөлөөтэй явна.

Петровис компани цагдаад шатхуун нийлүүлдэг. Мөнгөгүй цагдаа зээл тавьна. Өгөх хүн гэдийж авах хүн бөхийнө. Хүүхдийг нь хорьж байгаа тэдэнд яг бензин өгч харагдаач. Ингээд л өнөөдөр нүдээ зүсүүлэгч хохирч нүдийг нь зүссэн нь эрх чөлөөтэй байна.

Эрхэм хүндэт Монгол улсын Ардчилсан шударга ерөнхийлөгч Ц.Элбэгдорж танд үүнээс илүү ямар баримт хангалттай вэ? Хэлээч!

С.Данзан