Кино урлаг, хошин урлаг гээд жүжигчнийхээ мэргэжлийн чадварыг тал талд сорьж яваа шулуухан зантай чадварлаг уран бүтээлч бол яах аргагүй Б.Навчаа юм. Дэлгэцийн хэд хэдэн бүтээлд дүрээ мөнхөлж чадварлаг жүжигчин гэдгээ харуулаад зогсохгүй найруулагчийн хувиар ч тэр олон час хийсэн бүтээл төрүүлсэн. Түүний “Ларьдма” , “Үргээлэг”  УСК зэрэг олон чанартай бүтээлүүд үзэгчдийг байлдан дагуулж үүнийг дагаад нэр хүнд ч өндөрт гарсан. Хошин урлагийн “Мөрөөдлийн театр” продакшнд нэг хэсэг харъалагдаад байсан ч өөрийгөө хошин урлагийн хүн биш юм байнаа гэх тодотголд хүрч эргэлт буцалтгүй кино урлагтаа эргэн иржээ. Түүний дараагийн шинэхэн бүтээл болох “Үүр цайгаасай” хэмээх киноны зохиол, найруулга дээр найруулагч Ж.Сэнгэдорж, туслах найруулагчаар А.Баттүшиг, продюсераар Б.Навчаа ажиллажээ. Гол дүрд Б.Навчаа болон хэзээд гар нийлж ажилладаг “Гурван охин” хамтлагийн дуучин Г.Анхмаа нар тоглосон бөгөөд зураг авалтыг “Black zebra”-гийн хамт олон гүйцэтгэжээ. Өвлийн тэсгим хүйтэнд эд зураг авалтын ажлаа гүйцэтгэж өнгөрсөн 3-р сард дуусгасан бөгөөд нэр ус нь үл ялгагдах олон чанартай, чанаргүй бүтээл дундаас хэр хүчтэй цойлж гарч ирэхийг харах хугацаа тун ойрхон байна.

Эх сурвалж:Шуурхай.мн