Дөрөвхөн настай төрсөн охиноо зодож амь насыг нь хохироосон хэрэгт буруутгагдсан төрсөн эцэг Т.Цогт, хойд эх Г.Маралмаа нарын шүүх хурал өнөөдөр Баянзүрх дүүргийн эрүүгийн хэргийн анхан шатны шүүхэд болж дууслаа. Анхан болон давж заалдах шатны шүүхээс өмнө нь уг хэрэгт хойд эх Г.Маралмаад 23 жилийн ял оноож, төрсөн эцэг Т.Цогтыг цагаатгасан байсан юм. Тэгвэл уг шийдвэрийг Г.Маралмаа эсэргүүцэж, уг хэрэгт Т.Цогтыг буруутай хэмээн үзэж, цагдаагийн байгууллагад дахин гомдол гаргасан тул шүүх хурал өнөөдөр дахин хэлэлцлээ. Хүнийг санаатай алах гэмт хэргийг бусдыг биеэ хамгаалж чадахгүй байдлыг мэдсээр байж онц харгис хэрцгий аргаар бүлэглэж, үйлдсэн гэм буруутайд тооцож, Эрүүгийн хуулийн тусгай ангийн 91 дүгээр зүйлийн 91.2.11, 91.2.12, 91.2.15 дахь хэсэгт зааснаар Т.Цогтод 20 жилийн хорих ял оноож чанга дэглэмтэй эрэгтэйчүүдийн хорих ангид мөн Г.Маралмаад 23 жилийн хорих ял оноож ногдуулсан 23 жилийн хорих ялыг чанга дэглэмтэй эмэгтэйчүүдийн хорих ангид тус тус эдлүүлэхээр шийдвэрлэжээ.