Шоуны найм дахь оролцогчийг хүмүүс нэвтрүүлгийн дугаар цацагдах хүртэл таамаглаж байсан бол зарим үзэгчдийн таамаг биелэлээ олсон болов уу. Шүүгчийн ширээнээс оролцогчдын буйданруу шилжсэн явуулын википедиа гэгдэх Шар айраг хамтлагийн дуучин Г.Ганхүүг олон түмэн мэдлэг чадвараар нь өндөрт үнэлдэг. Тэгвэл 60,70-аад оныхоо төлөөлөл болж бид ч гэсэн чаддаг юм шүү гэдгийг харуулах гэж зориглосон хэмээн хуучлах түүнийг дэмжихээсээ илүү дэмий зүйл хийсэн юм гэж шүүмжлэх нь олонтаа ажиглагдав. Харангийн Лхагвасүрэнгийн дотуур хувцаснаас бусдыг нь зээлсэн түүний хамгийн том давуу тал бол мэдээж Монголын рок поп ертөнцийн нэг том акул учир урлагийн хэн бүхэн туслахад бэлэн. Тэгвэл дараагийн дугаарт попын хаан “Майкл Жэксон”-г дуурайхаар болсон нь олон хүний сонирхлыг татаад байна. Нэг л том малигар “Жексон” гарч ирэх байхаа даа хэмээн хошигносон түүний дараагийн хувирал хүмүүсийг цэнгээж чадах болов уу? Өмнөх улиарлд дуучин Б.Амархүү финалын дугаарт попын хааныг тайзан дээр амилуулж байсан бол 60 оны төлөөлөл маань попын хааны хөдөлгөөнийг гүйцэх болов уу? Амаргүй давааг хэрхэн давахыг ирэх ням гарагт л харах үлдлээ дээ.

Эх сурвалж:Шуурхай.мн