“Хайрлагдах нууц”, “Сорхугтани бэхи”, “Сайн хаан Бат” зэрэг томоохон бүтээлүүдээ уншигч түмнийхээ гарт хүргэсэн зохиолч, сэтгүүлч Б.Сарантуяа хамгийн сүүлд “Самар хатан” романаараа уншигчидтайгаа уулзсан. Гэтэл хэвлэгдээд сар ч болоогүй байсан тус бүтээлийг нь гадуур хуурамчаар хэвлэн яг ижилхэн үнээр зарж борлуулж байсан талаар өөрийн цахим хуудастаа мэдээлэв. Тэрээр энэ тухай сонссон даруйдаа шуурхай хөөцөлдсөний эцэст уг хэрэгт холбогдох эзнийг нь мөн хуурамч номны нэг хувилбарыг олж авчээ. Бүх үнэнээ хүлээсэн учир тухайн хүний талаар мэдээллийг нууцалсан бөгөөд бусад номнууд ч мөн адил гадуур хуурамчаар хэвлэгдэж байгааг эзэд нь шалгаж үзээрэй хэмээн сануулсан юм. Хар бараан хавтастай, сонины нимгэн цаасан дээр хэвлэчихсэн байгаа тус номыг иргэд ялгаж салгаж оюуны хулгайчдаас болгоомжилж зохиолчдынхоо хөлс хөдөлмөрийг үнэлэхийг хүсье!

Эх сурвалж:Шуурхай.мн