Хотын ерөнхий менежерээр ажиллаж байсан шавилхан эр гэнэт Барон Унгерны нуусан алтыг олчихов уу гэлтэй бийлэгжүү загнах болсныг хүмүүс хараад ихэд гайхаж байсан цаг саяхан. Төдөлгүй Т.Бадамжунай УИХ-ын гишүүнээр сонгогдож эрх ямба, эдлэл хэрэглэл нь түүнийгээ дагаад сүрхий сайжирсан билээ. Түүнийг Шадар сайд М.Энхболдын тэргүүлдэг МАН-ын хотын фракцын гал тогооны хүн гэж ярилцдаг. Өөрөөр хэлбэл, бүх асуудлыг “зохицуулдаг” гэсэн үг. Гэтэл мань хүнд өнөөгийн хашиж буй ХХААХҮ-ийн сайдын албан тушаал бага санагдах болж тэрбээр ирэх УИХ-ын сонгуулиар нутгаасаа нэр дэвшин ялалт байгуулах бодол тээн унтах ч завгүй манаргаж яваа гэнэ.

Хэдхэн жилийн өмнө охиныхоо хуримыг Монгол, Солонгос улсуудыг дамнуулан нижгэр хийж шинэ цагийн баячуудын атаархлыг төрүүлээд амжсан Т.Бадамжунай ганцхан хүнээс айж байгаа аж. Тэр нь нутаг усандаа дэндүү нэр хүндтэй яваа экс Ерөнхийлөгч Н.Энхбаяр. Хэрэв экс Ерөнхийлөгч ирэх сонгуулиар нутагтаа нэр дэвшвэл Жунай хүү баларлаа л гэсэн үг. Учир нь, саяхны судалгаагаар тус аймагт УИХ-ын гишүүн “Фортуна” Н.Батбаяр, экс Ерөнхийлөгч Н.Энхбаяр, МАХН-ын дэд дарга Н.Удвал нарын нэр хүнд тасархай өндөр байгаа нь ил болжээ. Саяхан Т.Бадамжунай сайд Монголд нэрийн барааны дэлгүүрээ нээж буй Швейцарийн алдарт Ulysse Nardin пүүсийн брэнд бүтээгдэхүүн болох захиалгаар үйлдвэрлэгддэг гар хийцийн хоёр ширхэг бугуйн цагийг тус бүрийг нь 800 мянган ам.доллараар захиалж бэл бэнчингээ ээлжит удаагаа гайхуулсныг дуулаад махаа идэж байж цөөхөн хэдэн төгрөгтэй болсон манай бизнесмэнүүд гайхахын сацуу ихэд унтууцсан гэнэ. 1.6 сая доллар гэдэг нь 2 тэрбум гаруй төгрөг гээд бодохоор дэндүү их мөнгө юм. Сонирхолтой нь, Жунай сайд хоёр цагны нэг дээр нь Чингис хаан гэж бичүүлэх өвөрмөц захиалгыг өгчээ. Мэдээж эрхэм сайд нэгэн зэрэг хоёр цаг зүүхгүй нь ойлгомжтой. Тэгэхээр нөгөө цагны эзэн удахгүй тодрох биз ээ.

Ө.хэмх wikimon