АТГ-аас Эдийн засгийн хөгжлийн сайд асан Н.Батбаяр, гишүүн асан Б.Гарамгайбаатар нарыг цагдан хорьсон билээ. Хөгжлийн банк болон бондуудын санхүүжилтэд хийж буй шалгалтын ажилтай холбогдуулан тэднийг шалгаж байгаа. Хэвлэлийнхэн өнөөдөр АТГ-т очиж  мэдээлэл авлаа.АТГ-ын комиссар Д.Бат-Оргил хэлэхдээ  “Авлигатай тэмцэх газраас Хөгжлийн банкны асуудалтай холбогдуулан зарим нэр бүхий албан тушаалтнуудыг шалгаж байгаа. Тухайн үеийн удирдлагууд болон хувийн аж ахуй нэгжүүдийг нэг бүрчлэн шалгаж мөрдөн байцаах ажиллагаа явуулж байгаа юм. Энэ хүрээнд сэжигтнээр холбогдох хүмүүсийг саатуулсан байгаа. Одоогийн байдлаар нэмэлт мэдээлэл өгөх боломжгүй байна. Цаашид шалгалтын ажиллагаа үргэлжлээд явна.  Цагдан хорьсон тухай зүйл ангийг нь хэлэх боломжгүй байна” гэлээ.

Эх сурвалж: Шуурхай.мн