Гадаад харилцааны сайд Ц.Мөнх-Оргилыг ОХУ-д айлчлал хийж байх  үеэр “Ростех”-ийн удирдлагуудтай уулзах хүсэлт тавьсан ч татгалзсан хариулт авсан гэх мэдээлэл гараад байсан. Тэгвэл тэрбээр өнөөдөр хэвлэлийнхэнтэй уулзах үеэрээ энэ талаар хэлэхдээ “Энэ худлаа мэдээлэл байсан. Бид айлчлалын үеэр ямар нэг хувийн компанитай уулзаагүй. Хувийн компанийн зүгээс ч бидэнтэй уулзах ямар нэг асуудал яригдаагүй. Албаны яриа хэлэлцээрийн үеэр “Эрдэнэт”-ийн асуудал огт яригдаагүй. ОХУ-ын хэвлэл мэдээллийн байгууллагуудад ярилцлага өгөх үеэр ч энэ асуудлыг тодруулж асуугаагүй. Харин албан бусаар зоог барьж байхад С.Лавров сайд “Танайд “Эрдэнэт”, Монросцветметтэй холбоотой асуудал гараад байгаа юм уу. Манайхтай асуудал байна уу” гэж тодруулж байна. Би хариуд нь, “ОХУ-ын хувьд ямар ч асуудал байхгүй. Хоёр улсын засгийн газар болон хувийн хэвшлийн хооронд асуудал байхгүй. Бидэнд зөвхөн дотоодын асуудал байгаа” гэж хариулсан. Лавров сайд “За за, тэгвэл хоёр орны харилцаанд хамааралгүй юм байна. Ашгүй дээ” гэсэн. Ийм л яриа болсон. “ хэмээн хэллээ.

Эх сурвал