Испанийн Санхүүгийн мэргэжилтнүүдийн холбооны ерөнхий нарийн бичгийн дарга Хосе Мария Мольинедо хэрэв түүний татвараас зайлсхийсэн нь тогтоогдвол “Реал”-ын довтлогч Криштиану Роналдуд ямар шийтгэл оноох талаар ярьжээ.

Мольинедо ярилцлага өгөхдөө “Надад байгаа мэдээллээр бол Роналду залилан мэхлэх замаар өөртөө 150 гаруй сая еврог хуримтлуулж чаджээ. Энэ нь санхүүгийн маш том гэмт хэрэг юм. Санхүүгийн жил болгоны тоогоор шоронд хоригдох ял түүнийг хүлээж байж магадгүй. Тэгэхээр дор хаяж зургаан жил хоригдох байх” хэмээн ярьсан гэнэ.

Роналду зар сурталчилгаанаас олсон орлогоо нуун дарагдуулахын тулд оффшор компаниудыг ашигласан гэх мэдээллүүд гарсан билээ. Тэрбээр 2009-2014 онуудад Британийн Виржинийн арлууд дээр бүртгэлтэй Tollin гэдэг компаниар дамжуулж 74,8 сая еврог гадагшлуулсан бөгөөд татварынхаа ердөө зарим хэсгийг Испанийн татварт хураалгажээ.
Эх сурвалж: www.wikimon.mn