Сайд болохоосоо өмнөхөн хувийн эмнэлгээ “худалдаж” жүжиглэсэн гэгддэг Эрүүл мэндийн сайд А.Цогцэцэг гэж хатагтай У.Хүрэлсүх сайдаас хатуухан зэм хүртсэн бичлэг сошиал сайтуудаар цацагдаад байгаа. Өвөлжилт ихээхэн хүндэрсэн таван аймгийн хорин хэдэн сумын дундах отрын бүсэд шаардлагатай байгаа эмнэлгийн түргэн тусламжийн машиныг шийдэлгүй цаг алдчихаад, хаа байсан Азийн хөгжлийн банкны хөрөнгө мөнгийг яриад зогсохгүй  “Хөөцөлдөж байна,  үнэхээр бүтэмж муутай байна” гэж хэлээд сууж байгаа А.Цогцэцэг сайдыг эрхэм та дараах бичлэгээс харж болно. У.Хүрэлсүх сайд Эрүүл мэндийн сайдын хариуцлагагүй, унхиагүй байдалд ихэд эгдүүцэж байгаагаа нуусангүй. Ямартаа л “Онцгой комиссын гишүүний хувьд наад асуудлаа Засгийн газарт оруулал даа.  Дарга хүн бол асуудал шийдэх гэж дарга хийдэг шүү… Тэрнээс биш зовлон ярих гэж хийдэггүй юм.Ажил хийдэг асуудлыг шийддэг хүн учраас дарга сайд гэдэг албан тушаал дээр ажилладаг байхгүй юу. Төрийн сайдын бяр нь хүрэхгүй байх шиг байна. Одоо тэгээд генерал л шийдэж дээ.” гэхчлэн хэлж ярьж байна.

Тэгвэл засгийн хуралдаан дээрээ ийн банга хүртсэн А.Цогцэцэг сайд хуралдааны дараа өөрийн фэйсбүүк хуудаснаа юу гэж бичсэнийг эрхэм та харж байна. Яг л өөрөө шийдчихсэн аятай л сошиалаар өөрийгөө сурталчилж байгаа юм. Шоучин шоучин гэхэд арай ч бас ийм шоучин байж болохгүй л баймаар, А.Цогцэцэг сайд аа.

Эх сурвалж: Шуурхай.мн