МҮОНТ-ийн  бүтээл  болох “Тусгай салаа” кино гараад нэг хэсэгтээ л үзэгчдийг байлдан дагуулж байсан нь саяхан. Киноны пробонд санамсаргүй яваад тэнцсэн гэдэг жүжигчин Т.Эрдэнэбаяр энгийн нэгэн байлдагчийн дүрээр олны хайрыг татаж чадсан билээ. Уг киноны дууг  дуулснаар  муугүй дуучин гэдгээ ч батлаад авсан. Хэсэгтээ л од болж хаана ямар найр наадам, байгууллагын ой болно Дэндэв тэр газар цохиж явдаг дуулах ханш нь хүртэл өндөр байж, зохиолын дуучдыг нэг хэсэгтээ л орлогогүй болгож байсан билээ. Нэр алдар гэдэг хүнийг үргэлж  дагаж явдаг болохоор олны хэл аманд хэсэгтээ л өртсөн тэрээр  бор дарсанд орж  эхнэр хүүхдээ хаялаа гэх яриа ч чих дэлсэх болсон. Гэтэл залуу  жүжигчин маань  удахгүй дэлгэнцнээ тавигдах “DOZ  Entertariment” –ийн шинэ уран бүтээлд гол дүр бүтээж, юун архи дарс, гэр бүлийн асуудал манатай байгаа гэнэ. Ямартаа ч эхний уран бүтээлээ амьдруулж  амжилт гаргасан тэрээр энэхүү шинэ уран бүтээлд хэрхэн тоглохыг хүлээх л үлдлээ.

Э.Анар