Хэлмэгдүүлэлтийн хар шуургаар хавсарга тавьж асан тэртээх он жилүүдэд очсон юм шиг сэдэл төрүүлсэн гайхалтай уран бүтээл бол яалт ч үгүй “Ногоон нүдэн лам” роман юм. 2008 онд хэвлэгдсэн тэргүүн дэвтэр нь гарсан цагаасаа эхлэн өдгөөг хүртэл хит болсоор байгаа гэхэд хэлсдэхгүй. Тэгвэл хамгийн их эрэлттэй хийгээд, урлаг судлаачдын магтаал шүүмжлэл гээд цөм бүрнийг хослуулсан тус романы хоёрдугаар дэвтэр мэндлэх гэж байна. Энэ оны УИХ-ын сонгуульд ялалт байгуулж чадаагүй ч Ц. Оюунгэрэл өөрийн цахим хуудастаа “Сэтгэл санаа тайвшраад амар ч болчихсон юм шиг. Номныхоо ажилд шамдан оръё доо” гэж бичсэн нь уншигч олноо баярлуулаад байсан юм. Ногоон нүдэн лам романы хоёрдугаар дэвтэрийн ноорог 347-р хуудас дээрээ явж байгаа бөгөөд хоёр бүлгийг биччихвэл  нэгдүгээр нооргоо дуусгах гэнэ. Ямартай ч үргэлжлэлийг нь бичих болов уу? яах бол? хэмээн хүлээж суусан хүмүүсийн эргэлзээ баттай болсоноор тун удахгүй уншигч олон шинэхэн номоо өлгийдөн авахнээ.

Эх сурвалж: Шуурхай.мн