Кино урлагийн түүхийг чанаржуулан өнгө нэмэх гэж хамтдаа чамгүй хөдөлмөрлөж яваа урлагийн гайхалтай хос бол яалтчгүй найруулагч жүжигчин Ш.Доржсүрэн буюу Доёо, жүжигчин А.Мөнгөнзул нар юм. “Кино шиг амьдрал”, “Дүүлэн нис”, “Элэг нэгтэн” гэх зэрэг дэлгэцийн томоохон уран бүтээлүүдээрээ үргэлж шинийг эрэлхийлж, гадны улс орнуудад зураг авалтаа хийж шаггүй хөдөлмөрлөсөн хос хоёрын хичээл зүтгэл нь талаар болсонгүй.

Тэдний сүүлд хийсэн “Элэг нэгтэн” УСК нь Мумай ОУ-ын наадамд нийт 45 улс орны 503 киноноос эхний 7-р байранд үлджээ. Мөн энэ оны 12 сард сүүлчийн үр дүн нь гарах гэнэ. Жүжигчин А.Мөнгөнзул өөрийн фэйсбүүк хуудаснаа дээрх үр дүнгээ илтгэснээс гадна “Доёо Зулаа хоёрт хүсэл тэмүүлэл байсан. Тэвчиж гаргасан бүхнээрээ эргээд бахархах цаг ирнэ гэдэгт итгэж байна” хэмээн бичжээ.

Мөн урлагийн аав ээжийнхээ генийг өвлөсөн хүү Д.Эрдэнэбулган нь саяхан анхныхаа “Нэг өдрийн дайсан” киногоороо урлагт хөл тавьсан билээ. Урлагийн гэр бүлийн бүтээл туурвил бүрээс чин сэтгэл “үнэртэж” байдаг юмаа хэмээн үзэгч олон магтаад амжжээ.

Эх сурвалж: Шуурхай.мн