Одоогоос гурван жилийн өмнө жүжигчин Р.Алтансүх агсан “Үхлийн симфони” аймшгийн киног бүтээж, үзэгчдийн хүртээл болгож байлаа. Уг кинонд Э.Мөнхтулга, Д.Мөнххишиг, Б.Билгүүн, Т.Сэргэлэн, Г.Бат-Эрдэнэ, Ц.Мөнхгэрэл, Б.Номин, Б.Хишигбаатар, Б.Уянга нарын залуу жүжигчид болон Д.Мэндбаяр, МУГЖ Д.Цэрэндарьзав нарын Ардын жүжигчид тоглосон юм.

Ямартаа ч тухайн үедээ багагүй шуугиулаад авсан киноны “зэвүүн” дүрийг залуу жүжигчин Б.Билгүүн бүтээсэн юм.  Гэхдээ Билгүүний хувьд дахин аймшгийн кинонд тоглохгүй гэдгээ мэдэгдээд “шинээр гарч ирж буй жүжигчдийг үзэгчид анхны дүрээр нь хүлээж авах тал бий. Туршлага хуримтлуулахын тулд аймшгийн кинонд тоглож, хэрхэн бүтдэгийг нь мэдэж авлаа. Ийм төрлийн бүтээл жүжигчнээс өөрийгөө задлахыг шаарддаг юм билээ. Гэхдээ одоо дахиж аймшгийн кинонд тоглохгүй” хэмээн ярьсан удаатай.

Тэрээр өдгөө СУИС-д сурдаг. Босго өндөр сургуулийн шинэхэн оюутан байхдаа л  ийнхүү дэлгэцийн бүтээлд хүч үзсэн нь энэ. Харин өдгөө сургуулийнхаа “хуучин партизан”-уудын нэг болсон тэрээр шинэ оюутнуудын хувьд бол “эрлэг” гэж байгаа. Учир нь дээд курсийнхэн доод ангийнхандаа ахын зангарагийг үе үехэн харуулж, кофе, тамхи, хуушууранд гүйлгэх бол энүүхэнд. Харин Билгүүнд бол бүүр “тусгай үйлчилгээ” үзүүлэн, сургуулийн хаа нэгэнтээ таарвал сөхөрч байгаад мэндлэхээс бүх зүйл эхэлдэг гэнэ лээ.