Үүний дагуу 2016 оны 03 дугаар сарын 25-ны өдрийн А/139 тоот Сүхбаатар дүүргийн Засаг даргын “Хязгаарлалтын дэглэм хэрэгжүүлэх тухай” захирамж гарч, ХХААХҮ-ийн Сайдын 2010 оны А/67 тоот “Мал амьтаны галзуу өвчинтэй тэмцэх заавар”-ын дагуу вакцинжуулалт, халдваргүйжүүлэлтийн арга хэмжээг авч ажиллажээ. Тухайлбал: Хязгаарлалтын бүсэд байрлах давхардсан тоогоор 16 өрхийн хашаа хороо, саравчны 1767м.кв талбайг Хай-куф 1:300 уусмалаар НМЭГ-ын ДУК машинаар, хавьтсан газруудад хлорын шохой, Экоцид С-ийн 1:100 уусмалаар ариутгал халдваргүйжүүлэлт хийж, акт үйлдэн, 2016 оны 04 дүгээр сарын 07-ны өдрийн 17.30 цагийн байдлаар Овоот гол” ХХК-ийн МЭҮН-ийн захирал Л.Баярхүү, малын их эмч Д.Мөнхжаргал нар 139 өрхийн 2312 толгой мал амьтныг галзуу өвчнөөс урьдчилан сэргийлэх вакцинжуулалтанд хамрууллаа. Үүнд, 51 толгой адуу, 190 нохой, 1731 толгой үхэр/ 1492 үхэр, 239 тугал/, 176 хонь, 158 ямаа, 6 муур. Мэргэжил арга зүйн зөвлөгөө өгч, 139 өрхийн 321 иргэдэд сэрэмжлүүлэг тараахад хяналт тавьж, мэдээг Онцгой байдлын хэлтэст өгч байна.