Өнгөрсөн жилийн зун, намар цаг агаар таагүй байсны улмаас тариаланчид ургац алдсан. Түүнийг нөхөхийн тулд Хүнс, хөдөө аж ахуйн яам 60-аад компанид 40 мянган тонн гурил импортлох зөвшөөрлийг олгожээ. Тодруулбал, үндэсний томоохон үйлдвэрлэгч “Өгөөж”, “Талх чихэр” компанид тус бүр 1400 тонны зөвшөөрөл олгосон бол дамжуулан худалдагч “Алейка импекс”, “Өег” компанид нийт 7000 тонн гурил импортлохыг зөвшөөрсөн байна. Тэд дотоодын нийт 60 орчим компанийг түүхий эдээр хангадаг юм байна. Өмнө нь гурил импортлох зөвшөөрлийг 10-аад компанид л олгодог байсан бол ийнхүү тоог нэмэгдүүлсэн нь ургацын баланс алдагдаж, улаан буудай нийлүүлэх явдал эрс багассантай холбоотой гэж салбарын яамнаас мэдэгдэж байгаа юм.

Unen.mn