Сурв:–Өөрөө Б.Бат-Эрдэнэ аваргатай хэдэн удаа хэр­хэн барилдаж байсан бэ?

Б.Адъяахүү начин:
-Би заалны барил­даанд аваргатай дөрвөн удаа барил­дсан. 1998 онд Өндөр чансаатай бөхчүүдийн даваа үнэлэх барилдаанд аваргатай таа­рахдаа “Нэгэнт дийлэхгүй юм чинь” гэсэн байдлаар сулхан очсон юм. Тэгэхэд аварга надад “Зүгээр ба­рилд” гэж жаахан занд­ран­гуй байдлаар хэлж бай­сан. Тэгээд би барилдаа л унасан. Тэвчээр ха­туужлын тал дээр би авар­гыг биширдэг. Хүн бяртай, мэхтэй байж болно. Харин тэвчээр хатуужил гэдэг бол гайхамшигтай чанар.

Г.Өсөхбаяр, Д.Сумьяа­базар, Ц.Цэрэнпунцаг гуравтай дараалан барил­даад, бөхчүүдийн хэлээр бол гурвууланг “хялайл­гаад”, “Өөр барилдах хүн байна уу?” гээд зогсож байхыг нь харж л байсан. Өөрөөсөө 10 гаруй дүү гурван бяртай, мундаг бөхчүүдтэй 2,3 цаг барил­дааны бэлтгэл хийчихээд ядарч байгаа юу гэвэл ядарч л байгаа, ам нь цан­гаж байгаа юу гэвэл цан­гаж л байгаа. Энэ чинь тэр хүний агуу тэвчээр л байх­гүй юу. 2005, 2006 онд УИХ-ын сонгуулийн тойр­гоо­роо хэдэн хоногийн турш явж ирчихээд амрал­гүйгээр шууд бөхийн бэлт­гэлээ хийж байсныг нь олон харж байсан.

Эх сурвалж: Даяар дуурсах аваргууд