Энэ сарын 26-27-ны шилжих шөнө 02:00 цагийн үед нэг гэр бүлийн хоёр хүнийг хөнөөж, хоёрыг нь хүнд гэмтээсэн ноцтой хэрэг гарсан билээ. Тодруулбал нийслэлийн Баянзүрх дүүргийн Цагдаагийн нэгдүгээр хэлтсийн ахлах хэрэг бүртгэгч, хошууч Ц-г аав С нарыг гэрт нь хутгалж аминд нь хүрсэн. Гэмт этгээд гэрт нь дайрч орсон бөгөөд ингэхдээ хүйтэн мэс ашиглан талийгаачийг аавтай нь хөнөөж харин ээж, ах хоёрыг нь хутгалж хүнд гэмтээсэн. Хэрэгт хохирогчийн төрсөн дүүгийн найз залуу үйлдсэн гэж сэжиглэж улс орон даяар эрэн сурвалжлах ажиллагаа явуулаад байсан. Тэгвэл цагдаагийн ажилтнууд шуурхай ажиллаж, өчигдөр 12.00 цагийн үед сэжигтэн Б-г Хан-Уул дүүргийн нутаг дэвсгэр Яармаг орчмоос баривчлан саатуулсан байна. Улмаар сэжигтнээс мэдүүлэг авч эхэлжээ.

Гэмт этгээдийн хүний амь бүрэлгэх болсон шалтгаан нь өс хонзонгийн сэдэлтэй бөгөөд хохирогч хэрэгтэнийг өөрийн дүүтэй суулгахгүй гэсэнтэй холбоотой байж магадгүй гэж эх сурвалж мэдээлэв.

Эх сурвалж: Шуурхай.мн