Монгол Улс тусгаар тогтнолоо тунхаглан, анхдугаар Үндсэн хуулиа баталсны 91 жилийн ойн түүхэн өдрийг тохиолдуулан Чингүнжав санг үүсгэн байгуулагчдын нэг Лхагвын МӨНХБААТАР, сангийн гишүүдийн хамт эрх чөлөө, тусгаар тогтнолын төлөө амь биеэ үл хайрлан тэмцсэн Хотгойдын Чингүнжавын гэрэлт хөшөөнд цэцэг өргөн, хүндэтгэл үзүүллээ. Уг хөшөөг 2012 оны 11-р сарын 26-ны өдөр буюу улс тунхагласны 88 жилийн ойгоор албан ёсоор нээж байсан юм. Чингүнжавын гэрэлт хөшөөт цогцолбор нь нийслэл хотын өнгө үзэмжийг нэмж, жуулчдад түүхийн мэдлэг өгөх, эх оронч үзэл санааг түгээн дэлгэрүүлэх, үндэсний бахархалыг бий болгох зорилготой юм.