Европын эдийн засаг энэ онд өнгөрсөн жилийнхээс хүнд байна гэж бүс нутгийн томоохон улсуудын төрийн тэргүүнүүд мэдэгдлээ.
Германы канцлер Ангела Меркель, Францын Ерөнхийлөгч Николя Саркози, Грекийн Ерөнхий сайд Лукас Пападемос, Италийн Ерөнхийлөгч Жиоржио Нафолитано нар Европын эдийн засгийг тун бүрхгээр төсөөлж буйгаа илэрхийлсэн байна.
Германы канцлер Ангела Меркель мэдэгдэхдээ “Европын эдийн засаг 2011 оныхоос ч хүнд байх нь тодорхой болсон гэж бодож байна. Бид өнгөрсөн хугацаанд маш хатуу сорилтуудтай тулгарсаар ирснийг мартаж болохгүй. Нэг зүйлийг онцлоход еврог аврахад Европын орнуудын нягт хамтын ажиллагаа шаардлагатай. Гэхдээ Герман улсын эдийн засгийн гүйцэтгэл сайн байгаа гэж бодож байна” гэжээ.
Грекийн Ерөнхий сайд Лукас Пападемос “Нөхцөл байдал цаашид ч хүнд байх төлөвтэй тул бид хэмнэлтийн арга хэмжээнүүдээ хадгалахаас өөр аргагүй. Энэ нь ихэнх грекчүүдэд хүндээр тусч буй нь санаа зовоож байна” хэмээн өгүүлэв.
Грекийн хувьд 2010 онд Европын холбоо болон Олон улсын валютын сан (ОУВС)-гийн тусламжийн багцыг авсан бүс нутгийн анхны улс юм. Грекийн эдийн засагт үүссэн хүндрэл нь Европт өрийн хямралыг авч ирсэн гэж эдийн засагчид үздэг. Тиймээс Грекийн эдийн засаг сайжрахгүй бол Европын холбоо ойрын хугацаанд задрах нь ойлгомжтой юм.
Харин Францын Ерөнхийлөгч Николя Саркози мэдэгдэлдээ “Ноцтой бэрхшээл тулгарах үед хүмүүс маш их уран зоригтой байх ёстой. Та бүгдийн дийлэнх нь хэдийнэ хоёр хүндхэн жилийн сорилтыг туулсан. Энэхүү таамаглаагүй хямрал нь дэлхийн хоёрдугаар дайнаас хойших хамгийн хор хөнөөлтэй нь юм. Тэгээд ч хямрал дуусах болоогүй байна. Нөхцөл байдал тийм ч таатай бус байгаа ч ирээдүйд нийгмийн салбарын зардлыг бууруулах арга хэмжээг авч хэрэгжүүлэхгүй” гэжээ.
Италийн Ерөнхийлөгч Жиоржио Нафолитано “Манай улсад нүүрлэсэн санхүүгийн уналтыг даван туулахын тулд бүх ард түмний хичээл зүтгэл, сэтгэл хэрэгтэй. Хүндрэлээс зугтахын тулд хамтран ажиллахаас өөр аргагүй” гэв.
Эцэст нь хэлэхэд одоогоор Итали, Испани, Португаль зэрэг Европын холбооны улсууд болон анх асуудалд орсон Грекийн араас ороод байна. Эдгээр улсад нүүрлэсэн өрийн хямралыг шийдэхийн тулд Европын холбоо нэгдсэн татвар болон мөнгө санхүүгийн бодлого авч хэрэгжүүлэх яриа хэлэлцээ явагдаж байгаа ч энэ нь бүс нутгийн улс орнуудын хөгжлийн түвшинг жигдрүүлэн тэгшитгэсэн тохиолдолд бүтэмжтэй байх аж. Харин өнөөдрийн нөхцөлд эдийн засгийн хувьд ийм арга хэмжээ авах боломж хомс байна.
Европын холбооны улсуудын эдийн засгийг тогтворжуулж, өрийн асуудлыг шийдвэрлэх зорилготой Европын тогтвортой байдлын сангийн хөрөнгийн гол баталгаа нь Франц, Герман улс болж байна. Тиймээс Франц, Герман гэсэн боломжийн эдийн засагтай улсуудын нөхцөл байдал цаашид доройтвол хэний ч таамаглаж байгаагүй хямрал Европыг хүлээж байгаа гэж шинжээчид үзжээ.
Европын эдийн засаг энэ онд өнгөрсөн жилийнхээс хүнд байна гэж бүс нутгийн томоохон улсуудын төрийн тэргүүнүүд мэдэгдлээ.
Германы канцлер Ангела Меркель, Францын Ерөнхийлөгч Николя Саркози, Грекийн Ерөнхий сайд Лукас Пападемос, Италийн Ерөнхийлөгч Жиоржио Нафолитано нар Европын эдийн засгийг тун бүрхгээр төсөөлж буйгаа илэрхийлсэн байна.
Германы канцлер Ангела Меркель мэдэгдэхдээ “Европын эдийн засаг 2011 оныхоос ч хүнд байх нь тодорхой болсон гэж бодож байна. Бид өнгөрсөн хугацаанд маш хатуу сорилтуудтай тулгарсаар ирснийг мартаж болохгүй. Нэг зүйлийг онцлоход еврог аврахад Европын орнуудын нягт хамтын ажиллагаа шаардлагатай. Гэхдээ Герман улсын эдийн засгийн гүйцэтгэл сайн байгаа гэж бодож байна” гэжээ.
Грекийн Ерөнхий сайд Лукас Пападемос “Нөхцөл байдал цаашид ч хүнд байх төлөвтэй тул бид хэмнэлтийн арга хэмжээнүүдээ хадгалахаас өөр аргагүй. Энэ нь ихэнх грекчүүдэд хүндээр тусч буй нь санаа зовоож байна” хэмээн өгүүлэв.
Грекийн хувьд 2010 онд Европын холбоо болон Олон улсын валютын сан (ОУВС)-гийн тусламжийн багцыг авсан бүс нутгийн анхны улс юм. Грекийн эдийн засагт үүссэн хүндрэл нь Европт өрийн хямралыг авч ирсэн гэж эдийн засагчид үздэг. Тиймээс Грекийн эдийн засаг сайжрахгүй бол Европын холбоо ойрын хугацаанд задрах нь ойлгомжтой юм.
Харин Францын Ерөнхийлөгч Николя Саркози мэдэгдэлдээ “Ноцтой бэрхшээл тулгарах үед хүмүүс маш их уран зоригтой байх ёстой. Та бүгдийн дийлэнх нь хэдийнэ хоёр хүндхэн жилийн сорилтыг туулсан. Энэхүү таамаглаагүй хямрал нь дэлхийн хоёрдугаар дайнаас хойших хамгийн хор хөнөөлтэй нь юм. Тэгээд ч хямрал дуусах болоогүй байна. Нөхцөл байдал тийм ч таатай бус байгаа ч ирээдүйд нийгмийн салбарын зардлыг бууруулах арга хэмжээг авч хэрэгжүүлэхгүй” гэжээ.
Италийн Ерөнхийлөгч Жиоржио Нафолитано “Манай улсад нүүрлэсэн санхүүгийн уналтыг даван туулахын тулд бүх ард түмний хичээл зүтгэл, сэтгэл хэрэгтэй. Хүндрэлээс зугтахын тулд хамтран ажиллахаас өөр аргагүй” гэв.
Эцэст нь хэлэхэд одоогоор Итали, Испани, Португаль зэрэг Европын холбооны улсууд болон анх асуудалд орсон Грекийн араас ороод байна. Эдгээр улсад нүүрлэсэн өрийн хямралыг шийдэхийн тулд Европын холбоо нэгдсэн татвар болон мөнгө санхүүгийн бодлого авч хэрэгжүүлэх яриа хэлэлцээ явагдаж байгаа ч энэ нь бүс нутгийн улс орнуудын хөгжлийн түвшинг жигдрүүлэн тэгшитгэсэн тохиолдолд бүтэмжтэй байх аж. Харин өнөөдрийн нөхцөлд эдийн засгийн хувьд ийм арга хэмжээ авах боломж хомс байна.
Европын холбооны улсуудын эдийн засгийг тогтворжуулж, өрийн асуудлыг шийдвэрлэх зорилготой Европын тогтвортой байдлын сангийн хөрөнгийн гол баталгаа нь Франц, Герман улс болж байна. Тиймээс Франц, Герман гэсэн боломжийн эдийн засагтай улсуудын нөхцөл байдал цаашид доройтвол хэний ч таамаглаж байгаагүй хямрал Европыг хүлээж байгаа гэж шинжээчид үзжээ.
Эх сурвалж Өглөөний сонин
Холбоотой мэдээ
Comments are closed.