“Бодлын хулгайч” кино Лос-Анжелес хотноо болж буй“Asian World Film Festival”-д Монгол Улсаа төлөөлөн оролцож байгаа билээ. Тус кино 2012 онд дэлгэцнээ гарсан ч фестивалийн зохион байгуулагчдын зүгээс чанартай, даацтай бүтээл болсныг онцолж, Азийн орнуудаас урилгаар оролцуулж буй бүтээлийн нэгээр шалгарсан юм. Тиймээс киноны продюсер, жүжигчин Б.Амарсайханыг тус фестивалийн нээлтэд урьж, улаан хивсний ёслолд оролцуулсан байна. Энэ үеэр Б.Амарсайхан хэд хэдэн сэтгүүлд ярилцлага өгсөн бөгөөд“Бодлын хулгайч” киноны бүх тасалбар дуусч, бусад орны бүтээлээс хамгийн их борлуулалттай киногоор тодроод байгаа талаар дуулгажээ.