ОХУ-ын Якут хотноо зохиогдсон Коркиний нэрэмжит чөлөөт бөхийн “Алтан при” тэмцээнээс манай тамирчид дөрвөн медаль хүртжээ. ОХУ-ын гавьяат дасгалжуулагч Дмитрий Петрович Коркиний нэрэмжит болгон жил бүр зохиогддог уг тэмцээнд энэ удаад манай таван тамирчин барилдсан юм.

55 кг-ын жинд Э.Бэхбаяр, 66 кг-ын жинд Б.Анхбаяр нар тус тус алтан медаль хүртсэн бол 55 кг-ын жинд Д.Цогтбаатар мөнгө, 60 кг-ын жинд Э.Ням-Очир хүрэл медалийн эзэд болжээ.

Багийн дүнгээр ОХУ-ын баг тэргүүлж, Монгол, Казахстаны баг удаалсан байна.

Д.САР